Chapter 72.
ကောင်းကင်ဘုံသို့ စစ်ပြိုင်ခြင်း
Battle Through The Heavens
By Heavenly Silkworm Potato
ရှောင်ယွင်သည် အစည်းအဝေခန်းမကနေ ပြန်လှည့်သွားလိုက်ပြီ သူ့အခန်းကို ပြန်သွားလိုက်သည်။ အနာကျက်ဆေးကို ဖော်စပ်ရန်အတွက် ပြင်ဆင်စရာရှိသည်များကို လုပ်ထားလိုက်သည်။ အားလုံးပြင်ဆင်ပြီးသည်နှင့် သူ လေ့ကျင့်နေကျ ဂူဆီကို လူများ မမြင်တွေ့ရအောင် တိတ်တ်ိတ်လေး ထွက်လာခဲ့လိုက်သည်။
အရင်အခါက ရွဲ့လော်ပြောခဲ့သည့်အတိုင်းပင်.. ဆေးဝါးသန့်စင်ဖော်စပ်သည့် အချိန်များတွင် အနှောင့်အယှက်ရှိ၍ မရပါဘူး။ သူ့အခန်းတွင် လုပ်ဆောင်မည်ဆိုပါကလည်း ကလန်တွင် လူအများ သွားလာလှုပ်ရှားနေသည့်အတွက် အဆင်မပြေလှပါဘူး။ ရှောင်ယုကဲ့သို့ သူ့အခန်းကို ရုတ်တရက် ၀င်လာသူရှိလာခဲ့လျှင် ဖြစ်လာမည့်အကျိုးဆက်ကို သူလည်း တာဝန်ယူ ဖြေရှင်းနိုင်မှာ မဟုတ်ပါဘူး။
ဂူအတွင်းထိ ပုန်းလျှိုးကွယ်လျှိုးဖြင့် ရောက်လာခဲ့ပြီးနောက် ရှောင်ယွင်မှာ စတင်ဖို့ အင်မတန်ကို စိတ်လှုပ်ရှားနေပြီး ဖြစ်သည်။ ထို့ကြောင့် ရင်ဘက်ထဲမှာ ထည့်သိမ်းထားသော သိုလှောင်လက်စွပ်ကို ကမန်းကတန်း ထုတ်လိုက်ပြီး လက်စွပ်အထဲကို ဒိုချီစွမ်းအင်အချို့ကို ပို့လွှတ်လိုက်သည်။ အနီလဲ့လဲ့လက်စွပ်မှာ အလင်းတစ်ချက်လဲ့သွားကာ အကြမ်းဖျင်း တစ်ပေကျော်ရှည်သည့် အနီရောင်ဆေးမီးဖိုအိုးက ထွက်လာပြီး ဂူကြမ်းပြင်မှာ ထောက်လျက်သား ကျသွားသည်။
ဆေးမီးဖိုအိုးကိုယ်ထည်တစ်ခုလုံးကို ကြက်သွေးရောင် အနီရင့်ရင့်အရောင်များဖြင့် ပြည့်လွှမ်းနေကာ အလင်းပင် အနည်းငယ်တောက်ပ၍ နေသည်။ ဆေးမီးဖို၏ အောက်ခြေတွင် ကြီးမားသော မြွေခေါင်းနှစ်လုံးကို ထွင်းထုထားပြီး ၎င်းခေါင်းနှစ်လုံးမှာ လေ၀င်ခေါင်းပေါက်အဖြစ် ထွင်းထုထားခြင်းလည်း ဖြစ်သည်။ လေ၀င်ခေါင်းပေါက်ရှည်မှာ မီးဖိုအထဲရောက်လေ အချင်းမှာ တဖြည်းဖြည်းသေးငယ်လာလေ ဖြစ်ကာ တစ်စုံတစ်ယောက်က အထဲချောင်းကြည့်လျှင် ဘာမှ မြင်ရမှာ မဟုတ်ပါဘူး။
ဆေးကျိုအိုး၏ ထိပ်တွင် ကြက်သွေးရောင်အနီရင့်ရင့် အိုးအဖုံးကရှိနေပြီး ယင်းအဖုံးကို ကြီးမားသော မြွေတစ်ကောင်အသွင် ထုလုပ်ထားသည်။ အဖုံးဘေးတွင် ဆေးအမယ်များ ထည့်သွင်းရန်အတွက် အထူးပြုလုပ်ထားသော ထည့်ပေါက်တစ်ခုက ရှိနေသည်။
အဖုံးပေါ်တွင် ရေခဲငွေဖြင့် ပြုလုပ်ထားသော သေးငယ်သည့် အပေါက်များရှိနေသည်။ ယင်းအပေါက်များသည် ပေါက်ကွဲမှုဖြစ်စေနိုသည့် အပူလွန်ကဲမှုကို လျှော့ချပေးနိုင်စွမ်းရှိသည်။ တဖန် ဆေးအိုးအလယ်နေရာတွင် ကြည်လင်သော ရေခဲမှန်ကို တပ်ဆင်ထားသည်။ ထို့ကြောင့် သန့်စင်ဖော်စပ်သည့် အဆင့်ဆင့်များကို မှော်ဆေးပညာရှင်က အပြင်ကနေ ကောင်းကောင်းတွေ့မြင်ရသည်။
သုံးချောင်းထောက် ဆေးကျိုအိုး၏ ကိုယ်ထည်တွင် ကြမ်းကြုတ်ရက်စက်သည့် မိစ္ဆာတောရိုင်းကောင်ပုံကို ထွင်းထုထားသည်။ ၎င်းရုပ်ပုံမှာ ယခုပင် ခုန်ထထွက်မတတ်ကဲ့သို့ အသက်ဝင်လှပေသည်။
ဆေးကျိုမီးအိုး၏ လှပသော အပြင်ပုံပန်းသဏ္ဍာန်ကို သေချာစွာ လေ့လာကြည့်ပြီ ရှောင်ယွင် ကျေနပ်စွာ ခေါင်းတညိတ်ညိတ်ဖြင့် ရှိနေသည်။ ထို့နောက် အနက်ရောင်လက်စွပ်ကို ပွတ်သပ်လိုက်ရာ အလင်းတစ်ချက် လင်းသွားခြင်းနှင့်အတူရွဲ့လော်က ထွက်ပေါ်လာခဲ့သည်။
“ အမ်.. မီးထွက်ပေါက်နှစ်ခုနဲ့ ဆေးမီးဖိုအိုး..အင်း.. မင်းလို မှော်ဆေးပညာသင်ကာစ အတွက်တော့ မဆိုးပါဘူး.. ”
ရွဲ့လော်သည် ကြက်သွေးရင့်ရင့်အရောင် ဆေးမီးအိုးအပေါ်က မြွေခေါင်းသဏ္ဍာန်ထွင်းထားသော အပေါက်အ၀ကို ကြည့်ကာ ပုံမှန်လေသံဖြင့် ပြောလိုက်သည်။
“ မီးထွက်ပေါက်နှစ်ခုနဲ့ ဆေးမီးဖိုအိုး..?”
မကြားဖူးသော စကားလုံးအသစ်အဆန်းကို ကြားလိုက်ရ၍ ရှောင်ယွင်တစ်ယောက် မျက်လုံးက ပေကလတ်ပေကလတ် ဖြစ်သွားတော့သည်။
“ ဆေးမီးဖိုအိုးတွေမှာလည်း သူတို့အဆင့်နဲ့ သူတို့ ရှိကြတယ်ကွ.. ဆေးအိုးထဲက မီးဖိုရဲ့ ထွက်ပေါက်အရေအတွက်များလေ ဆေးမီးဖိုအိုးရဲ့ အဆင့်ကလည်း မြင့်လေပဲ.. ပြီးတော့ ရှားလည်းရှားတယ်.. အင်း ပြီးတော့ မီးထွက်ပေါက်တွေကို လိုသလို ပေါင်းထည့်လို့ရတယ်လို့ မတွေးလိုက်နဲ့ကွ… မီးထွက်ပေါက်ဆိုတာ ဆေးမီးဖိုအိုးရဲ့ အခရာပဲ.. ပြီးပြည့်စုံဖို့ဆိုတာ အရမ်းကိုအသေးစိတ် ခြယ်သရတယ်ကွ..တကယ်လို့ ဆေးမီးဖိုအိုးကို ပြုလုပ်နေတဲ့အချိန်မှာ အမှားအနည်းငယ်သာ ပါသွားကြည့်.. အဲဒီ မီးဖိုအိုးက သွားရောပဲ.. အဲဒါကြောင့် ဆေးမီးဖိုအိုးတစ်လုံးမှာ မီးထွက်ပေါက်များလေ..မှော်ဆေးပညာရှင်တစ်ယောက်အတွက် ဆေးသန့်စင်ဖော်စပ်ရတာ ပိုပြီး လွယ်ကူချောမွေ့လာလေပဲ.. ပြီးတော့လည်း ထွက်ပေါက်များတဲ့ ဆေးမီးဖိုအိုးကို သုံးချင်ရင် မင်းမှာ အားကောင်းတဲ့ စိတ်ဝိညာဉ်အာရုံခံနိုင်စွမ်းက လိုအပ်လာပြီး.. အခုကျတော့ မီးထွက်ပေါက်နှစ်ပေါက်ပါတဲ့ ဆေးမီဖိုအိုးက မင်းအတွက် တော်တော်များနေပြီး လို့တောင် ပြောလို့ရတယ် ”
ရွဲ့လော်က ရယ်မောရင်း ရှင်းပြလိုက်သည်။
“ မှော်ဆေးပညာရှင်တစ်ယောက်အတွက် ဆေးမီးဖိုအိုး အရေးကြီးပုံက ဘာနဲ့ ဆင်တူသလဲဆိုတော့ ဓားသမားတစ်ယောက်အတွက် ဓားကအရေးကြီးသလိုပဲ.. ”
ခေါင်းကို မသိမသာ ညိတ်လိုက်ရင်း အရှေ့က ဆေးမီးဖိုအိုးကြီးကို ငေးကြည့်ကာ ရှောင်ယွင် မရေမရာစွာဖြင့် မေးလိုက်သည်။
“ အခု ကျွန်တော် ဘာလုပ်ရမလဲ..?”
“ အခု မင်းက ဆေးမီးဖိုအိုးနဲ့ အကျွမ်းတ၀င်ဖြစ်နေဖို့က ပိုကောင်းတယ်.. မီးထွက်ပေါက်တစ်ဖက်ကို လက်တစ်ဖက်နဲ့ ဖိထားလိုက်.. ပြီးရင် ဒိုချီစွမ်းအင်ကို လက်ဝါးပြင်ကနေ နှိုးဆွလိုက်.. ပြီးရင် အဲဒါကို ဆေးမီးဖိုအိုးအတွင်းထဲကို သွင်းပို့ပေးလိုက်.. ”
ရွဲ့လော်လည်း ဂူထဲမှာပဲ တင်ပျဉ်ချိတ်ထိုင်နေလိုက်ပြီး ရှောင်ယွင်ကို ညွန်ကြားလိုက်သည်။
ရှောင်ယွင်က ခေါင်းကို ညိတ်လိုက်ပြီး သူ့ရဲ့လက်တစ်ဖက်ကို မီးထွက်ပေါက်တစ်ဖက်မှာ ဖြည်းညှင်းစွာ တင်လိုက်ပြီးတော့ မျက်လုံးကို မှိတ်ချလိုက်သည်။ ရှောင်ယွင်၏ ခန္ဒာကိုယ်အတွင်းမှာ လည်ပတ်နေသော.. အ၀ါရောင်မှိန်မှိန် ချီစွမ်းအင်က အနည်းငယ် လှိုင်းထနေလျက်ရှိသည်။ အ၀ါရောင်မှိန်မှိန် ချီစွမ်းအင်တွေသည် အမျှင်တန်းများ တစ်မျှင်ပြီးတစ်မျှင် ပွက်ထ၍ လာသည်။ ရှောင်ယွင်၏ လက်ဝါးမှာသည်လည်း တဖြည်းဖြည်းနှင့် အ၀ါရောင်အလင်းများ သန်းလာသည်။
အ၀ါရောင်မှိန်မှိန် ဒိုချီစွမ်းအင်များ လက်ဝါးပြင်ကို ရောက်သွားပြီးအခါမှာလည်း ဆက်လက်ကြီးထွားနေသည်။ တဖန် ၎င်းစွမ်းအင်တွေဟာ ရုတ်ခြည်းပင် ပြင်းထန်လှသော ဆွဲငင်အားကြောင့် လက်ဝါးပြင်ကနေ လွတ်ထွက်သွားပြီး မီးထွက်ပေါက်ကနေတစ်ဆင့် ဆေးမီးဖိုအိုးအထဲကို လွန်ထိုးမွှေနောက်ရင်း တိုးဝင်သွားတော့သည်။
“ ဖူးးးး ”
ထိုစဉ်တွင် သဲသဲကွဲကွဲ မကြားရသော အသံတိုးတိုး ထွက်ပေါ်လာခဲ့သည်။ အ၀ါရောင်မှိန်မှိန် ချီစွမ်းအင်မှာ မီးထွက်ပေါက်ကို ဖြတ်သန်းဝင်သွားကာ မီးထွက်ပေါက်အဆုံးမှာ ယင်းစွမ်းအင်သည် အ၀ါရောင်မှိန်မှိန် မီးတောက်တစ်ခုသို့ ပြောင်းလဲသွားခဲ့သည်။ ဆေးမီဖိုအိုးအတွင်းတွင် ၎င်းမီးတောက်မှာ လှုပ်ကာယမ်းကာဖြင့် တောက်ပစွာ လင်းနေတော့သည်။
လက်ဝါးပြင်ကနေ မီးတောက်တစ်ခု ရုတ်တရက် ထွက်ပေါ်လာခြင်းကြောင့် ရှောင်ယွင်မှာ အထိတ်တလန့် ဖြစ်သွားချေကာ ဆတ်ခနဲ သူ့လက်ဝါးကို ရုတ်သိမ်းလိုက်မိသည်။ သူ့လက်ဝါးပြင်မှာ အပူမလောင်ဘဲ ပုံမှန်အတိုင်းပင် ရှိနေသည်ကို တွေ့လိုက်ရသည်။ ဒါပေမဲ့ ရှောင်ယွင်မှာ ထိန်းမနိုင် သိမ်းမရလောက်အောင် ကြောက်စိတ်မွှန်သွားခဲ့သည်။
“ အင်း … မဆိုးပါဘူး.. ပထမဆုံးအကြိမ် ဖြစ်နေတာတောင် မီးတောက်ထုတ်နိုင်တဲ့အထိ ရခဲ့တာပဲ.. ”
ဆေးမီဖိုအိုးအတွင်းက မီးတောက်ကို ကြည့်ကာ ရွဲ့လော် ခေါင်းညိတ်လိုက်ပြိး ပြောလိုက်သည်။
“ အခု မင်း နှိုးဆွလိုက်တဲ့ မီးတောက်က ဆေးဝါးသန့်စင်လို့ ရတဲ့ မီးတောက် မဖြစ်သေးဘူး.. အခု မင်းရဲ့ ခန္ဒာကိုယ်အတွင်းက သစ်သားစွမ်းအင်ကိုလည်း ထိန်းချုပ်နိုင်ဖို့ အာရုံစူးစိုက်ထားလိုက်… ပြီးရင် အဲဒါကို ဆေးမီးဖိုအိုးထဲကို သွင်းထည့်ပေးရမယ်.. ”
ရှောင်ယွင်သည် သူ့မျက်လုံးနှစ်ဖက်ကို မှိတ်ချလိုက်သည်။ တဖြည်းဖြည်းဖြင့် သူ့စိတ်ကို တည်ငြိမ်အောင် သက်တောင့်သက်သာနေလိုက်သည်။ သူ့၏ ထက်မြက်သော စိတ်ဝိညာဉ်အာရုံခံစားနိုင်စွမ်းကို အသုံးချကာ ခန္ဒာကိုယ်တစ်ခုလုံးကို နေရာအနှံ့ ထိုးထွင်းကြည့်ပြီး သစ်သားစွမ်းအင်ကို လိုက်ရှာဖွေနေလိုက်သည်။
ဆယ်မိနစ်အထက်လောက် ကြာသွားသည့်အချိန်တွင် ရှောင်ယွင်သည် နောက်ဆုံးတွင် သစ်သားစွမ်းအင်ကို ပထမဆုံးအကြိမ်အဖြစ် ရှာတွေ့လိုက်သည်။ ပေါ့ပါးစွာ အသက်ပြင်းချလိုက်ပြီး မျက်လုံးကို ဖွင့်လိုက်သည်။
“ ရှာတွေ့ပြီးလား…?”
ရှောင်ယွင် မျက်လုံးပွင့်လာသည်ကို မြင်သောအခါ ရွဲ့လော် အံ့အားသင့်စွာဖြင့် မေးလိုက်သည်။ ရှောင်ယွင် ခေါင်းညိတ်ပြလိုက်သည်ကို မြင်သောအခါ ရွဲ့လော် စိတ်ထဲကနေ ချီးကျူးနေမိတော့သည်။ ရွဲ့လော် ပထမဆုံး သူ့ကိုယ်ထဲက သစ်သားစွမ်းအင် ရှာတွေ့သည့်အချိန်က နာရီဝက် ဖြစ်သည်။ ဒါကို ကြည့်ခြင်းအားဖြင့် ရှောင်ယွင်၏ စိတ်ဝိညာဉ်အာရုံခံစားမှုသည် မည်မျှ ထက်မြက်သည်ကို သိနိုင်သည်။
ရှောင်ယွင်သည် လက်ညိုးတစ်ချောင်းကို ဆန့်တန်းပြီး နောက် မီးထွက်ပေါက်တစ်ဖက်ကို အသာလှမ်းဖိလိုက်သည်။ ထို့နောက် အစိမ်းရောင်ရှိပြီး အားနည်းလှသော ချီစွမ်းအင်က စမ်းချောင်းလို နည်းနည်းချင်းစီ စီးဝင်သွားလေသည်။
အစိမ်းရောင် ချီစွမ်းအင်သည် ဆေးမီးဖိုအိုးထဲကို စီးဝင်သွားသည်နှင့် အတွင်းက အ၀ါရောင်မှိန်မှိန် မီးတောက်မှာ ရုတ်ခြည်းပင် ငြိမ်သက်သွားသည်။ စွမ်းအင်နှစ်ခု ပေါင်းစပ်ဓာတ်ပြုသည့် ပုံနှယ်ဖြစ်သည်။ ထိုစဉ်တွင် ရှောင်ယွင်မှာ မီးတောက်ကို မထိန်းချုပ်နိုင်ပေမဲ့လည်း သစ်သားစွမ်းအင်ဖြင့် ထိန်းကွပ်ခြင်းခံနေရသော မီးတောက်၏ ရုန်းထွက်နေမှုကို ခံစားနေရသည်။ သစ်သားသည် မီးတောက်ကို လောင်စာပေးသည့် သဘောအရ မီးတောက်ကို ပိုပိုပြီး ထိန်းကွပ်နိုင်ခဲ့သလို ပထမတစ်ခါထက် ပိုပြီး အချိန်ကြာကြာ တောက်လောင်နေသည်။
“ ကောင်းတယ်… ”
ရွဲ့လော်သည် ကျေနပ်စွာဖြင့် ခေါင်းကို ညိတ်လိုက်သည်။ သူ့လက်ညိုးကိုလည်း ရှောင်ယွင်၏ နဖူးပြင်ကို သွားတို့ထိလိုက်ကာ အချက်အလက်များကို ရှောင်ယွင်ခေါင်းထဲသို့ တိုက်ရိုက် ပို့ဆောင်ပေးလိုက်သည်။
“ ဒါက ငါ့ရဲ့ ကိုယ်ပိုင် အသက်ကယ်ဆေး ဖော်စပ်နည်းပဲ.. လေ့ကျင့်ဖို့ကို သုံးလိုက်.. ပြီးရင် ထားရမယ့် မီးတောက်ရဲ့ အပူချိန်နဲ့ ဆေးအမယ်တွေ ထည့်ရမဲ့ အချိန်အခါကို ငါ ဘေးကနေ နေပြီးတော့ လမ်းညွန်ပေးမယ်.. ”
ရှောင်ယွင်သည် ရထားပြီးသည့် အချက်အလက်များကို ပြန်ဖော်ကြည့်လိုက်ပြီးနောက် ခေါင်းကို အသာညိတ်လိုက်သည်။
“ သွေးတိတ်ဆေးအမှုန့်.. ဆေးအမယ်က .. သွေးခဲမြက်ရိုးက တစ်ခု.. အသက်ဝင်သစ်သီးက တစ်လုံး.. ဘိန်းပွင့်က နှစ်ပွင့်… ”
လိုအပ်သော ဆေးအမယ်များကို မှတ်ဥာဏ်ထဲကနေ ထုတ်နုတ်မှတ်သားလိုက်ပြီးနောက် ရှောင်ယွင်သည် သူ့၏ စိတ်ဝိညာဉ်အာရုံခံမှုကို ဆေးမီးဖိုအိုးထဲ တဖြည်းဖြည်း အာရုံနှစ်လိုက်ကာ အထဲမှ မီးတောက်ကို ထိန်းနိုင်ဖို့ ကြိုးစားလိုက်သည်။
ထို့နောက် သူသည် သိုလှောင်လက်စွပ် စွပ်ထားသော လက်ချောင်းကို ဖျစ်ခနဲ တွက်လိုက်ရာ အနီရင့်ရင့် သွေးခဲမြက်ရိုး တစ်ချောင်းက သူ့လက်ဝါးပြင်ပေါ်ကို ထွက်ပေါ်လာသည်။ ခနအကြာတွင် ရှောင်ယွင်သည် ဆေးမီးဖိုအိုးထိပ်တွင် ထွင်းထုထားသော မြွေရုပ်၏ ပါးစပ်ပေါက်ကနေတစ်ဆင့် အထဲကို ယင်းရိုးတံအား ထည့်သွင်းလိုက်သည်။
သွေးခဲမြက်ရိုးဟာ အထဲကို ရောက်သွားပေမဲ့လည်း ရှောင်ယွင် ချက်ချင်း မီးတောက်ကို မထိန်းသေးပါဘူး။ အထဲက မီးတောက်သည် ပုံမှန်အတိုင်းပင် အပေါ်ကို တောင်လောင်သွားပြီး မျက်စိတစ်မှိတ်အတွင်းမှာပဲ သွေးခဲမြက်ရိုးသည် ပြာပုံကျသွားလေသည်။ ၎င်းပြာပုံကို ဆေးမီးဖိုအိုး၏ ထူးခြားသော စက်ယန္တရားကနေ ချက်ချင်းပဲ အပြင်ကို စွန့်ထုတ်လိုက်သည်။
ပထမဆုံးမအောင်မြင်ခြင်းကို ကြည့်ကာ ရှောင်ယွင် ရှက်ကိုးရှက်ကန်းဖြင့် ရယ်မောလိုက်သည်။
“ ဆက်လုပ်.. ”
ရွဲ့လော်က ပုံမှန်အတိုင်းပဲ ပြောလိုက်သည်။
ရှောင်ယွင်သည် ပါးစပ်အပြည့် တံတွေးကို မျိုချလိုက်ကာ နောက်တစ်ကြိမ် သွေးခဲမြက်ရိုးကို ပစ်သွင်းလိုက်ပြန်သည်။ ဒီအချိန်မှာတော့ သွေးခဲမြက်ရိုးသည် မီးတောက်အထဲတွင် အချိန်အနည်းငယ်အထိ ရှိနေသေးသည်။ ဒါပေမဲ့ ပြာပုံအဖြစ်သို့ ပြောင်းလဲသွားပြန်သည်။
“ အပူချိန်က အရမ်းပြင်းလွန်းတယ်.. ”
ရှောင်ယွင် ချွေးသုတ်လိုက်ရချေသည်။ ယခုမှ ကိုယ်တိုင်ကိုယ်ကျ လုပ်ရသည့်အခါမှ ဤအလုပ်သည် သူထင်မှတ်ထားသလို လူတိုင်း လွယ်လွယ်ကူကူ လုပ်နိုင်သည့်အလုပ်မျိုး မဟုတ်မှန်း သဘောပေါက်လိုက်သည်။
နောက်ထပ် သွေးခဲမြက်ရိုး အချောင်း နှစ်ဆယ်ကျော်ကို ခက်ခက်ခဲခဲ မီးရှို့ပစ်လိုက်ပြီးမှ ရှောင်ယွင်သည် သွေးခဲမြက်ရိုးအတွက် သင့်တော်သော အပူချိန်ကို ဖမ်းဆုပ်နိုင်ခဲ့သည်။
သွေးခဲမြက်ရိုးကို နောက်တစ်ကြိမ် ပစ်သွင်းလိုက်သည့်အခါမှာ ရှောင်ယွင်၏ အမူအရာ တည်ငြိမ်လာခဲ့သည်။ သူ့၏ စိတ်ဝိညာဉ်အာရုံခံနိုင်စွမ်းဖြင့် မီးတောက်၏ အပူချိန်ကို ကောင်းကောင်း ထိန်းချုပ်လာနိုင်ခဲ့သည်။ ရှောင်ယွင်၏ အကြည့်သည် ရေခဲမှန်ကို ဖောက်ထွင်းကာ မီးတောက်အတွင်းမှာ ရှိနေသာ သွေးခဲမြက်ရိုးကို စိုက်ကြည့်နေသည်။
အချိန်တစ်ခုအကြာတွင် မီးတောက်အတွင်းရှိ သွေးခဲမြက်ရိုးသည် တဖြည်းဖြည်းနှင့် အပေါ်လွှာများ ကျွတ်ထွက်ကာ အရည်များ ပွက်စီထလာသည်။ အရွက်တွေမှာလည်း တဖြည်းဖြည်း အငွေ့ပျံလာကာ အဖြူကျင့်ကျင့် အမှုန့်သို့ ပြောင်းသွားသည်။ နောက်ဆုံးတွင်တော့ ပညာသင် မောင်ရှောင်ယွင်တစ်ယောက် သွေးခဲမြက်ရိုးအဆီအနှစ်ကို အောင်မြင်စွာ သန့်စင်နိုင်ခဲ့ပြီး။
×××××××××
No comments:
Post a Comment