Chapter 73
ကောင်းကင်ဘုံသို့ စစ်ပြိုင်ခြင်း
Battle Through The Heavens
By Heavenly Silkworm Potatos
ကျဉ်းမြောင်းသော ဂူထဲတွင် ဆေးမီးအိုးမှ အလျှံတညီးညီး မီးတောက်တွေကြောင့် ဂူနံရံတွင် အရိပ်များ လူးလွန့်ထင်ကျနေ၏။ လှုပ်ရှားနေသော ယင်းအရိပ်များသည် အစွယ်တငေါငေါနှင့် တောရိုင်းကောင်များ၏ လက်သည်းစွယ်ပုံရိပ်များနှင့်ပင် အလားသဏ္ဍာန် တူနေချေတော့သည်။
ရှောင်ယွင် စိတ်ရောကိုယ်ပါ အာရုံနှစ်ပြီး ထိုးထွက်နေသော မီးလျှံကို မျက်တောင်မခတ်ဘဲ စိုက်ကြည့်လို့ နေသည်။ ဖြူဖျော့သော သူ့၏ မျက်နှာပြင်တွင် ချွေးသီးများယိုစီးကျလျက် ရှိသည်။ အချိန် ကြာရှည်စွာ ဆေးလုံးဖော်စပ်ခြင်းသည် ဒိုချီစွမ်းအင်အမြောက်အများကို ကုန်ဆုံးစေနိုင်သော ကိစ္စတစ်ခု ဖြစ်၏။ ရှောင်ယွင်၏ ချီကျင့်စဉ်သည် အဆင့်နိမ့် ရွှင်းအဆင့် ဖြစ်နေ၍ သူ့၏ ချီအခြေခံ နှင့် တောင့်ခံနိုင်မှုမှာလည်း အထူးအခြားမဟုတ်ပါချေ။ ထို့ကြောင့်၍ ဆေးမီးအိုးအရှေ့တွင် အချိန်နှစ်နာရီမျှ ထိန်းထားနိုင်ဖို့ဆိုတာ သူ့အတွက် လွယ်ကူလှသည့် မဟုတ်ရာ..။
ရွဲ့လော်သည် မျက်လုံးကို ကျဉ်းပြီး သွေးခဲမြက်ပင်ကို အဖြူမှုန့်နုနု ဖြစ်အောင် နောက်တစ်ကြိမ် သန့်စင်နိုင်ခဲ့သည့် ရှောင်ယွင်ကို ဝေ့ကြည့်လိုက်သည်။ ရှောင်ယွင်၏ စွမ်းဆောင်နိုင်မှုသည် ဂိတ်ဆုံးရောက်နေပြီးမှန်းသိ၍ ရွဲ့လော်သည် ခေါင်း အသာညိတ်လိုက်၍ ညင်သာစွာ ဆိုလိုက်သည်။
“ တော်တယ်.. အနားယူလိုက်ဦး.. ”
စကားခွန်းကို ကြားလိုက်ရသည့်အခါ ရှောင်ယွင်၏ ပခုံးနှစ်ဖက်သည် လျော့ရဲကျသွားကာ သူ့၏ ခန္ဓာကိုယ်သည်လည်း စွမ်းအင်လုံးဝ မကျန်တော့သည့်အလား ရေခဲတမျှအေးစက်သော မြေသားပြင်ပေါ် လှဲချလိုက်တော့သည်။ အသက်ကို တဝရှုလိုက်ရင်း သူ့ရင်ဘတ်သည်လည်း နိမ့်မြင့် တလှည့်စီဖြင့် မောဟိုက်၍ နေသည်။ ယခုအချိန်မှာ သူသည် လက်ညိုးကိုပင် မြှောက်နိုင်စွမ်း မရှိတော့ပါဘူး။
“ လေ့ကျင့်ခြင်းက အကျိုးများစေနိုင်တယ်.. ”
ရွဲ့လော်သည် အေးဆေးစွာ ဆိုလိုက်ရင်း မြေပြင်ပေါ် လဲအိပ်နေသော ရှောင်ယွင်ကို ဝေ့ကြည့်လိုက်သည်။
ရှောင်ယွင်၏ စိတ်ထဲတွင် ပျင်းရိခြင်းနှင့် လုံ့လရှိခြင်းတို့ ခဏတာမျှ လွန်ဆွဲနေပြီးနောက် စိတ်ထဲမှာ မချိတင်ကဲ အော်ဟစ်လိုက်ပြီး ထချင်မထချင်ဖြင့် ထလိုက်လိုက်သည်။ သူ့၏ တုန်ယင်နေသော လက်နှစ်ဖက်ကို လေ့ကျင့်သည့် လက်ဟန်ပုံစံကို ဖော်လိုက်ကာ မျက်လုံးနှစ်ဖက်ကိုလည်း မှိတ်လိုက်သည်။
ရှောင်ယွင်၏ ကိုယ်ဟန်အနေအထားကို မြင်သည့်အခါ ရွဲ့လော် ရယ်မောလိုက်ချေသည်။ တဖန် ဆေးမီးအိုး အရှေ့ရှိ ကျောက်စိမ်းဘူး ၁၀ ဘူးကျော်ကိုလည်း ကြည့်လိုက်ပြန်သည်။ ထိုကျောက်စိမ်းဘူးတွေမှာ ရှောင်ယွင် သန့်စင်ထားသော သွေးခဲမြက်၏ အဖြူမှုန့်တွေက နှုတ်ခမ်းအပြည့်ရှိနေသည်။ ဒါတွေဟာ ရှောင်ယွင် ကြိုးစားပမ်းစား အားထုတ်ထားသော အရာတွေသာ ဖြစ်ပေသည်။
ဘယ်မှ ညာ တန်းစီထားသော ကျောက်စိမ်းဘူးအထဲတွင် အဖြူမှုန့် အရောင်တွေသည်လည်း ဘယ်မှ ညာသို့ တစ်ဆင့်ထက်တစ်ဆင့် အရောင်များ ပြည့်ဝ၍ လာသည်။ နောက်ဆုံးဘူးတွင် အဖြူမှုန့်အရောင်ကာလာသည့် လုံးဝကို အဖြူဆွတ်ဆွတ် ဖြစ်လုနီးပါး ရှိနေပါပြီး။
အင်မတန်ကို မြင်သာသော တိုးတက်မှုကို ကြည့်ရင်း ရွဲ့လော်သည် ကျေနပ်သွားသလို အံ့လည်း အံ့သြမိသည်။ ကျေနပ်သဘောတူစွာ ခေါင်းကို ညိတ်လိုက်ရင်း ရှောင်ယွင်၏ ထက်မြက်သော စိတ်ဝိညာဉ်အာရုံခံစားနိုင်စွမ်းကို ရင်ထဲမှာ ချီးကျူးမိလေသည်။
ကျောက်သားနံရံကို မှီကာ တင်ပျဉ်ချိတ်ထိုင်ပြီး ဆုံးရှုံးသွားသော ဒိုချီစွမ်းအင်ကို ပြန်ဖြည့်တင်းနေသည့် ရှောင်ယွင်ဆီကို တချက် လှမ်းကြည့်လိုက်သည်။ ရှောင်ယွင်မှာ ပထမအမျိုးအစား ဆေးအမယ် ကိုသာ သန့်စင်နိုင်ခဲ့နေပြီ.. နောက်ထပ် ဆေးအမယ်နှစ်မျိုးကျော်တို့က လေ့ကျင့်ဖို့ သူ့အတွက် ကျန်နေပါသေးသည်။
……
မျက်လုံးကို မှိတ်ကာ အချိန် တစ်နာရီမျှ လေ့ကျင့်ပြီးနောက်မှာတော့ ရှောင်ယွင်၏ ကိုယ်တွင်းမှ ချီဝဲကတော့မှာ ချီကုန်ဆုံးမှုကြောင့် မဲမှောင်နေရာကနေ နောက်တစ်ကြိမ် ပြန် တောက်ပနေပါပြီး။ တဖန် ယခုတောက်ပမှုသည် အရင်ကထက် အနည်းငယ် ပို၍ကြည်လင်နေသည်။
ရှောင်ယွင်သည် မျက်လုံးကို ဖြည်းညှင်းစွာ ဖွင့်လိုက်သည်။ စွမ်းအင်မရှိသလောက် ဖြစ်သွားသည့် ခံစားမှုသည် ယခုအချိန်မှာ တစ်ဝက်လောက် ပြန်သက်သာလာခဲ့သည်။ လည်ပင်းကို အကြောဆန့်လိုက်ခြင်းကြောင့် ထွက်ပေါ်လာသည့် အရိုးဆန့်သံတွေက ရှောင်ယွင်ကို ပျော်ရွှင်စေသည်။
“ လေ့ကျင့်လို့ ပြီးပြီလား.. ဒါဆို ဆက်လုပ်လေ.. “
ရွဲ့လော်သည်လည်း မျက်လုံးဖွင့်လိုက်ကာ ဖျတ်လတ်တက်ကြွလာပြန်သည့် ရှောင်ယွင်ကြည့်ပြီး ပြုံးရင်း ပြောလိုက်သည်။
ရှောင်ယွင်မှာ မအီမသာဖြင့် ခေါင်းကို ခါယမ်းလိုက်မိသည်။ စိတ်မချမ်းသာစရာ ဆေးဖော်စပ်ခြင်းအရသာကို သိသွားပြီးမို့ ရှောင်ယွင်သည် ရွဲ့လော်၏ အချိုသပ် ကလိမ်ကျခြင်းကို သဘောပေါက်လိုက်သည်။ ရွဲ့လော် ဆေးဖော်စပ်သည့်အချိန်တွင် သူ့လက်နှစ်ဖက်ကို လှည့်ပတ်ပုံစံဖော်ပြီ လူတိုင်း ရူးမတတ်လိုချင်သည့် ဆေးလုံးကို ဖော်စပ်ပြခဲ့သည်။ ရိုးရှင်းသည့် ဆေးဖော်စပ်နည်းလမ်းပုံစံက ရှောင်ယွင်စိတ်ထဲတွင် မှော်ဆေးပညာရပ်သည် အင်မတန် လွယ်ကူပေတကား ဟု မှတ်ထင်စေခဲ့သည်။ အခုအခါမှာတွင် ကိုယ်တိုင်ကိုယ်ကျ ကိုယ့်လက်ကိုယ့်ခြေဖြင့် လုပ်ကြည့်သည့်အခါ မှော်ဆေးဖော်စပ်သည့်အလုပ်သည့် သူထင်ထားသည်ထက် ပိုခက်ခဲမှန်း သိသွားခဲ့လေသည်။
ဒါပေမဲ့ ယခု သိလိုက်ရခြင်းသည် အတော် နောက်ကျသွားပေပြီး။ ရှောင်ယွင်မှာ အသက်ပြင်းကို အသာချကာ နောက်တစ်ကြိမ် ဆေးမီးအိုးအရှေ့တွင် ထိုင်လိုက်သည်။ နောက်ထပ် ဆေးအမယ်နှစ်မျိုးကို သန့်စင်ပြီး အဆီအနှစ်ထုတ်ရန် ဟန်ပြင်လိုက်သည်။
သွေးခဲမြက်ကို သန့်စင်ထားပြီးသည့် အတွေ့အကြုံကြောင့် ယခုအခါတွင်တော့ ရှောင်ယွင် ပထမတစ်ကြိမ်ထက် ပေါ့ပေါ့ပါးပါး ဖြစ်နေသည်။ အသက်ဝင် သစ်သီး ၈ လုံးနှင့် ဘိန်းပွင့် ၁၀ ပွင့်ကို မီးရှို့ သန့်စင်ပြီးနောက်မှာတော့ အသက်ကယ်ဆေးဖော်စပ်ရန် လိုအပ်သော ဆေးအမယ်များ စုံလင်သွားလေသည်။
အသက်ဝင်သစ်သီးမှာ အနက်အရောင်အပြည့်ဖြစ်နေကာ အစေ့သေးသေးလေးများ ရှိနေသည်။ ယင်းအစေ့သည် သွေးလှည့်ပတ်ခြင်းအတွက် ကောင်းမွန်သော အာနိသင် ရှိသည်။ အကယ်၍ အတွေ့အကြုံရှိသော စစ်သည်တစ်ယောက်သည် စစ်မြေပြင်တွင် ဒဏ်ရာ ရခဲ့လျှင် အသက်ကယ်ဆေးလည်း မရှိခဲ့လျှင် အသက်ဝင်သစ်သီးကို ကြိတ်ကာ အနာသက်သာဆေးအဖြစ် လှည့်သုံးနိုင်သည်။
ဘိန်းပွင့်မှာလည်း အနီပျော့ပျော့သတ္တုရည် ပါဝင်သည်။ ထိုသတ္တုရည်မျိုးမှာ ထုံထိုင်းစေသော အာနိသင်ရှိကာ နာကျင်မှုကို သက်သာစေရန်အတွက် အသုံးပြုနိုင်သည်။
ရှောင်ယွင်အနားတွင် စီကာချထားသော ဆေးအမယ်သုံးမျိုးကို ကြည့်ကာ ရွဲ့လော်သည် ခေါင်းကို အသာညိတ်ပြလိုက်ကာ တိုးတိတ်စွာဖြင့် ပြောလိုက်သည်။
“ လိုအပ်တဲ့ ဆေးအမယ်တွေကို သန့်စင်ထားပြီးပြီ.. အခု ဆေးအမယ်တွေရဲ့ အာနိသင်အားလုံးကို အတူတူ ပေါင်းစပ်ရမယ်.. ဒီအဆင့်က ဆေးပညာရပ်မှာ အရေးကြီးဆုံးအဆင့်ပဲ.. ”
အသက်ပြင်းကြီး ချလိုက်ပြီး ရှောင်ယွင် ရိုသေလေးစားဟန်ဖြင့် ခေါင်းညိတ်လိုက်သည်။ ဖြူနုနေသည့် ဆေးပေါင်ဒါမှုန့်များကို ဆေးမီးအိုးထဲသို့ ကျွမ်းကျင်လိမ္မာစွာ ထည့်လိုက်ကာ မီးအေးအေးဖြင့် ၁၀ မိနစ်ခန့်မျှ အပူပေးလိုက်သည်။ အဖြူနုနု ဆေးပေါင်ဒါမှုန့်သည် နီကျင်ကျင်အရောင် ပြောင်းလာသည့်အချိန်တွင် ဘိန်းပွင့်၏ သတ္တုရည်ကို အလျင်အမြန်လောင်းထည့်လိုက်သည်။
သတ္တုရည်သည် ဆေးမီးအိုးအတွင်းသို့ ရောက်သွားသည်နှင့် ဆေးပေါင်ဒါအဖြူမှုန့်များနှင့် ရောနှောကပ်ညှိသွားသည်။ မီးတောက်ဖြင့် အချိန်အနည်းငယ်မျှ ဆူပွက်စေသည့်အခါတွင် ဆေးအမယ်နှစ်မျိုးမှာ တဖြည်းဖြည်းဖြင့် အနီဖျော့ဖျော့ အရည်ပျစ် အဖြစ်သို့ ပေါင်းစပ်ရောနှောသွားသည်။
သူ့၏ စိတ်ဝိညာဉ်အာရုံခံစားနိုင်စွမ်းကို အသုံးပြုကာ မီးတောက်အပူချိန်ကို ထိန်းချုပ်ထားလိုက်သည်။ အနီဖျော့ဖျော့ ပျစ်နှစ်သည့် အရည်မှာ တဖြည်းဖြည်းဖြင့် အခိုးထွက်လာသည်။
မီးတောက်ဖြင့် အဆက်မပြတ်အပူပေးနေပြီးနောက်မှာ အရည်ပျစ်ပျစ်မှာ တဖြည်းဖြည်းဖြင့် အနီရင့်ရင့် ဆေးအနှစ်ပုံစံ ပြောင်းသွားခဲ့သည်။
ရှောင်ယွင်သည် မှန်အကြည်ကနေပြီးတော့ ဆေးမီးအိုးအတွင်းရှိ အနီရင့်ရင့် ဆေးအနှစ်ကို မမှိတ်မသုန် စိုက်ကြည့်နေသည်။ အနည်းငယ် စောင့်ဆိုင်းနေပြီးမှ နောက်ဆုံးတွင် အသက်ဝင်သစ်သီး အစေ့နက်ငယ်ကိုလည်း ပစ်သွင်းလိုက်သည်။
အစေ့နက်ငယ်သည် ဆေးမီးအိုးအတွင်းထဲသို့ ဝင်ရောက်သွားခဲ့ပေမဲ့လည်း ဘာမှတော့ မဖြစ်လာခဲ့ပါဘူး။ အစေ့နက်ငယ်ဟာ မီးတောက်လျှံကြားမှာ ခုန်ပေါက်နေပြီ အနီရင့်ဆေးအနှစ်ဖြင့် ပေါင်းစပ်ဖို့ကို ငြင်းဆန်နေသည်။
“ ကွဲပြားတဲ့ ဆေးအမယ်တွေက အပူဒဏ်ခံနိုင်ခြင်းမှာလည်း ကွဲပြားကြတယ်..ဒါကြောင့်မီးတောက်တစ်ခုရဲ့ ဘယ်အစိတ်အပိုင်းကိုပဲ ဖြစ်ဖြစ် အပူချိန်ကို ထိန်းချုပ်နိုင်ရမယ်.. ဒီနေရာတစ်ကွက်ပဲ အပူချိန် နိမ့်နိမ့်လိုချင်ရင် အဲ့ဒီနေရာကိုပဲ မီးတောက်အပူချိန်ကို ဖိနှိပ်နိုင်ရမယ်.. မီးတောက်ပြင်းပြင်းလိုတဲ့ နေရာမှာ မီးအပူချိန်ကို အေးဆေး မြင့်တင်ပြီး ထိန်းချုပ်နိုင်ရမယ်.. ”
စိုးရိမ်ပြီး ချွေးပြန်နေသော ရှောင်ယွင်ကို ကြည့်ကာ သင်ပြပို့ချလိုက်သည်။
ရှောင်ယွင်သည် ခြောက်သွေ့နေသော နှုတ်ခမ်းကို လျှာဖြင့် သပ်လိုက်သည်။ ချက်ချင်းပင် စိတ်ဝိညာဉ်အသိအမြင်ကို အနည်းငယ် ခွဲဝေလိုက်ကာ အစေ့နက်ငယ်အောက်ရှိ မီးတောက်ထံ ပို့လိုက်ပြီး ယင်းမီးတောက်အပူချိန်ကို တဖြည်းဖြည်း တိုးမြှင့်လိုက်သည်။
“ ဘန်း.. ”
စိတ်ဝိညာဉ်အသိအမြင်ဖြင့် မီးတောက်အပူချိန်ကို ထိန်းချုပ်နေရာမှ လျော့ပေါ့မှုကြောင့် မထိန်းချုပ်လိုက်မိသည့် မီးတောက်တစ်ခုက ပြင်းထန်စွာဖြင့် ထိုးတက်သွားခဲ့ရာ အစေ့နက်ငယ်၏ တစ်ခြမ်းမှာ ချက်ချင်း လောင်ကျွမ်းသွားခဲ့သည်။ ရှောင်ယွင်မှာ ချွေးစေးပြန်သွားကာ ကတိုက်ကရိုက်ဖြင့် မီးတောက်ကို ကြံမိကြံရာ ဖိကွပ်လိုက်သည်။
စိတ်ဝိညာဉ်အသိအမြင်တစ်ခြမ်းက မီးတောက်၏ အခြားတစ်ခြမ်းကို တည်ငြိမ်အောင် ထိန်းချုပ်ထားရကာ ကျန်သည့်တစ်ခြမ်းက မီးတောက် နောက်တစ်ခြမ်းအပူချိန်ကို တိုးမြှင့်ပေးရမည်။ အလုပ်နှစ်ခု တစ်ပြိုင်နက်လုပ်ရသည့် အဖြစ်က ရှောင်ယွင်ကို ခေါင်းကိုက်စေခဲ့သည်။
သို့ပေမဲ့ ဤ အဖြစ်မျိုး အနည်းငယ် ကြုံတွေ့လိုက်ရပြီးနောက် ရှောင်ယွင် ပျာယာခတ်ခြင်းက ငြိမ်သက်လာခဲ့သည်။ နဖူးပြင်က ချွေးများကို သုတ်ချလိုက်ပြီး ရှိသမျှ ဒိုချီစွမ်းအင်တွေအား မီးထွက်ပေါက်ဆီကို အပြည့်အဝ အာရုံစူးစိုက်လိုက်သည်။
ဆေးမီးအိုးအတွင်းတွင် အစေ့နက်ငယ်မှာ ကြာရှည်စွာ တောင့်မခံမနိုင်တော့ဘဲ နောက်ဆုံးတွင် မီးတောက်၏ အပူချိန်ပြင်းပြင်းအောက်တွင် ပေါက်ကွဲလာခဲ့သည်။ ပိတုန်းနက်ရောင် အစေ့အမှုန့်များသည် တဖြည်းဖြည်းဖြင့် အနီရင့်ရင့် ဆေးအနှစ်အဖတ်အပေါ်သို့ ဝဲလွင့်ကျကြကာ အရောင်ကာလာမှာလည်း ပိုပို၍ နက်ရင့်လာခဲ့သည်။
ပိတုန်းနက်ရောင် အစေ့မှုန့်များအားလုံး ဆေးအနှစ်ပေါ်သို့ အကုန်ရောက်သွားသည့်အခါမှ ရှောင်ယွင်သည်လည်း အသက်ပြင်းရှည် ချနိုင်တော့သည်။ လက်နှစ်ဖက်ကို မီးထွက်ပေါက်ကနေ ဖြည်းညှင်းစွာ ဖယ်လိုက်သည့်အခါ မီးဆေးအိုးအတွင်းမှ မီးတောက်သည်လည်း နှေးကွေးစွာဖြင့် ငြိမ်းသေသွားတော့သည်။
မောဟိုက်နေသော ရှောင်ယွင်ကြောင့် ရွဲ့လော်သည် ခပ်ယဲ့ယဲ့လေး ပြုံးလိုက်ကာ လက်ကို ဝှေ့ယမ်းလိုက်ပြီး ဆေးမီးအိုးအဖုံးကို မကာ မြေကြီးပေါ် ချထားလိုက်သည်။ ညာဘက်လက်ဖြင့် အနီရင့်ရင့် ဆေးအနှစ်လုံးကို လေပေါ် ပေါလောပေါ်စေလိုက်သည်။
ရွဲ့လော်သည် ဆေးအနံ့ပြင်းထန်စွာ ထွက်နေသောကြက်သွေးရင့်ရောင် ဆေးအနှစ်လုံးကို စူးစိုက်ကြည့်လိုက်သည်။ တဖန် သူ့လက်သည် ပိုင်းဖြတ်သည့် ပုံစံကို ပြုလုပ်လိုက်ရာ အနီရင့်ရင့် ဆေးအနှစ်လုံးသည် အပိုင်းအစ တစ်ရာနီးပါးမျှ ကွဲထွက်သွားသည်။
ရှောင်ယွင်ဆီမှ သိုလှောင်လက်စွပ်ကို ယူလိုက်ပြီး ရွဲ့လော်သည် လက်ဖျစ်တစ်ချက် တွက်လိုက်သည့်အခါတွင် ကျောက်စိမ်းပုလင်းငယ်ပေါင်း တစ်ရာကျော်တို့သည် ဂူကျဉ်းကျဉ်းလေးထဲတွင် နေရာအပြည့် ရုတ်တရက် ထွက်ပေါ်လာသည်။
ကျောက်စိမ်းပုလင်းငယ်များကို နေရာချလိုက်ပြီးနောက် ရွဲ့လော်သည် လက်ကို ဝှေ့ယမ်းလိုက်ပြန်သည်။ အရည်ကဲ့သို့ ဆေးအနှစ်များသည် တိကျစွာဖြင့် ကျောက်စိမ်းပုလင်းများဆီသို့ ကိုယ်စီ ဝင်သွားကြသည်။
ရွဲ့လော်သည် ဆေးပုလင်းတစ်လုံးကို ကောက်ယူလိုက်ကာ ရှောင်ယွင်ကို ပြုံးကြည့်ပြီ ကမ်းပေးလိုက်ရင်း ကျီစယ်ကာ ပြောလိုက်သည်။
“ ဂုဏ်ယူပါတယ်.. ပထမဆုံး ဆေးဖော်စပ်မှု အောင်မြင်သွားပါပြီး.. ”
အလောတကြီးနိုင်စွာ ဆေးပုလင်းကို လှမ်းယူလိုက်ပြီး ရှောင်ယွင်သည် အနည်းငယ် အညစ်ပါနေသည့် ကြက်သွေးရောင် ဆေးအနှစ်ရည်ကို ကြည့်ရင်း စိတ်လှုပ်ရှားမှုနှင့် ဂုဏ်ယူခြင်း ကိုပါ တစ်ပြိုင်နက်တည်း ခံစားလိုက်ရသည်။
“ ဟဟ.. ဒီနေ့က စပြီး.. ငါဟာ မှော်ဆေးပညာရှင်တစ်ယောက်လို့ ပြောလို့ရပြီးကွ.. ”
…….
အချို့ချို့သော အသုံးအနှုန်းတွေ ပြောင်းသုံးထားတယ်.. သည်းခံ ဖြည့်တွေး ဖတ်ကြကုန်..
မကြာမီအချိန်အတွင်း အပိုင်း ၇၆ မှ ၁၀၀ အထိ ပါဝင်သော pdf ထွက်ရှိမည်ဖြစ်ကြောင်း သတင်းကောင်း ပါးလိုက်ပါရစေ
No comments:
Post a Comment