60 ကောင်းကင်ဘုံသို့ စစ်ပြိုင်ခြင်း
Battle Through The Heavens
by Heavenly Silkworm Potato
_______________________________
Chapter 60 - ပါဝင်ပစ္စည်းရပြီ
လေလံပွဲ ပြီးတော့မည်ကို မြင်သောအခါ ရှောင်ယွင် လစ်ထွက်သွားဖို့ လမ်းစရှာလေသည်။
လေလံခန်းမကနေ ဂရုတစိုက်နှင့် ထွက်ခွာလာပြီ နီးစပ်ရာလမ်းသွယ်တစ်ခုကို ၀င်၍ အတော်တန်လျှောက်လာခဲ့ပြီးမှ ထောင့်ချိုးတစ်ခုထဲကို ကွေ့ဝင်လိုက်သည်။ ၀င်လိုက်ပြီသည်နှင့် သူ့၏ အနက်ရောင်ဝတ်ရုံကြီးကို ထုတ်ပြီ ကောက်ဝတ်လိုက်သည်။ တကိုယ်လုံးကို အနက်ရောင်အ၀တ်ဖြင့် လုံခြုံစွာ ၀တ်ဆင်လိုက်ပြီမှ လေလံခန်းမဆီကို ဖြည်းညှင်းစွာ ပြန်လှည့်လာခဲ့သည်။
သူ့ကို အဆင့်၎ မှော်ဆေးပညာရှင်ဟု ရဖေးက တွေးထင်ထားပြီမို့ သူမဟာ အစောင့်တစ်ယောက်ကို လေလံခန်းမအနားမှာ အစောင့်ထားထားပြီ ထူးခြားတဲ့ လူကြီး၏ အရိပ်အယောင်ကို စောင့်ကြည့်ခိုင်းထားလေသည်။ ထို့ကြောင့် မကြာမီ ရှောင်ယွင် ရောက်လာသည်ကို တွေ့သည်နှင့် ချောမောပြီ လှပသည့် အစောင့်မိန်းကလေးက သူ့ကို အနောက်ခန်းဆီကို ခေါ်ဆောင်သွားပြီ သူ့အနားမှာ စောင့်ရပ်နေသည်။
အခန်းထဲမှာ တိတ်ဆိတ်စွာဖြင့် ထိုင်ခုံမှာ ထိုင်စောင့်နေရင်း ရှောင်ယွင် အရှေ့က စားပွဲပေါ်က လက်ဖက်ရည်ပန်းကန်လုံးကို ယူပြီ စုပ်သောက်လိုက်သည်။ ဘေးနားမှာ ရပ်စောင့်ပေးနေသော အစောင့်မိန်းကလေးကို ဖျတ်ခနဲ ကြည့်လိုက်ပြီ ခေါင်းကို ညိတ်ပြလိုက်သည်။ ထိုအချိန်တွင် ရှောင်ယွင်၏ နှုတ်ခမ်းက မလှုပ်ရှားဘဲနဲ့ ရွဲ့လော်၏ လူကြီးအသံက ထွက်လာသည်။
“ လေလံပွဲပြီးဖို့ ဘယ်လောက်ကြာဦးမလဲ?”
“ ရှင်.. ”
ရုတ်တရက်မေးလိုက်သော မေးခွန်းက အစောင့်မိန်းကလေးကို လန့်ဖြန့်သွားစေသည်။ အနက်ရောင်အ၀တ်ဖြင့် ဖုံးလွှမ်းထားသော ရှောင်ယွင်ကို အစောင့်မိန်းကလေးက တိတ်တခိုး ကြည့်နေ၍ ဖြစ်သည်။ မိန်းကလေးက ဖြူဖျော့နေသော မျက်နှာ..ပြီးတော့ သူမလက်သေးသေးလေးကို တင်းကျပ်စွာ အပြန်အလှန် ဆုပ်ကိုင်ထားပြီး ကြောက်ကြောက်ရွံ့ရွံ့ဖြင့် ပြန်ဖြေလိုက်သည်။
“ လူကြီးမင်းရှင်.. လေလံပွဲက ပြီးသွားပါပြီ.. သခင်မလေး ရဖေးက ပိုက်ဆံ လွှဲပြောင်းပေးဖို့ လုပ်ထုံးလုပ်နည်းတွေကို အရင်ဆောင်ရွက်နေလို့ပါရှင့်.. ”
ယုန်ဖြူတစ်ကောင်လို ကြောက်ကြောက်လန့်လန့်ဖြစ်နေသော မိန်းကလေးငယ်ကို ကြည့်ပြီ ရှောင်ယွင် စိတ်များ နောက်ကျရှုပ်ထွေးသွားလေသည်။
ငါက ဒီလောက်တောင် ကြောက်စရာကောင်းနေလို့လာဗျာ.. မတတ်နိုင်ဘူးလေ.. ဒီဟာကြီးကို လက်မခံချင်ဘဲ လက်ခံရတော့မယ်ပေါ့..ဟူးး
ရှောင်ယွင် ခေါင်းကိုခါယမ်းလိုက်ပြီ တိတ်တိတ်ပဲ နေလိုက်တော့သည်။
မိန်းကလေးဟာ ရှောင်ယွင် ဘေးနားမှာ တိတ်တိတ်လေး ကိုယ်ကို ညွတ်ထားပြီ ရပ်နေလိုက်သည်။ ရှောင်ယွင်ကို နောက်တကြိမ် တိတ်တိတ်လေး ချောင်းကြည့်လိုက်ပြန်ကာ အသက်ပြင်းလေး တကြမ် ခိုးချလိုက်မိသည်။
ထူးခြားသော လူကြီးက တကယ်လို့ “အပိုကိစ္စ” ကို တောင်းဆိုလာခဲ့လျှင် အတတ်နိုင်ဆုံး စိတ်ကျေနပ်အောင် ဖင်လေးတွဲ့မှုမရှိဘဲ ဆောင်ရွက်ပေးဖို့ အကြီးအကဲကုနီက သူမကို တာဝန်ပေးစဉ်အခါက သေချာ သတိပေးမှာထားသည်။
လေလံအိမ်တွင် အလုပ်လုပ်လာသည်မှာ တစ်နှစ်မျှ ရှိနေပြီမို့ မိန်းကလေးငယ်လေးဟာ “ အပိုကိစ္စ ” ဆိုတာကို သေချာစွာ သဘောပေါက်ထားသည်။ ဒါကြောင့်မို့ ရှောင်ယွင် စကားစပြောလိုက်တိုင်း မိန်းကလေးဟာ ခေါင်းအစ ခြေအဆုံး တဆတ်ဆတ် တုန်ယင်သွားခြင်း ဖြစ်သည်။ သူမအကြောက်ဆုံးက အဲ့ဒီ ထူးခြားသော လူကြီးက “ အပိုကိစ္စ” ဆိုတာကို တောင်းဆိုလာမည့်ကိစ္စ ဖြစ်သည်။
မိန်းကလေးဟာ ၁၀မိနစ်နီးပါးမျှ တုန်ရီစွာ မတ်တပ်ရပ်စောင့်နေရပြီနောက် တံခါးအ၀ အပြင်ဘက်ကနေ ခြေလှမ်းသံတွေကို ကြားလိုက်ရချေသည်။ နောက်ဆုံးတော့ သူမ အနည်းငယ် စိတ်သက်သာရာရသွားခဲ့သည်။
“ အိုးး လူကြီးမင်းက စောစောရောက်နေတာပဲ.. ရွှယ်လီက ကောင်းကောင်း ဖျော်ဖြေခဲ့သေးရဲ့လားရှင်.. ”
ရဖေးဟာ သေးသွယ်သော ထွာဆိုင်ငယ်လေးကို လှုပ်ခါလျက် ညှို့ယူသိမ်းသွင်းစေနိုင်သော အမူအရာဖြင့် အခန်းအတွင်းကို ၀င်လာခဲ့သည်။ သူမ၏ ကော့ညွတ်လှပသော ခန္ဓာကိုယ်ကောက်ကြောင်း.. ရှိုက်ဖိုကြီးငယ်အသွယ်သွယ်က ယောာင်္ကျားသားတွေရဲ့ ရုန်းကြွလာသော အားမာန်တက်ကြွသည့် စိတ်ဆန္ဒငယ်လေးကို အမှန်ပင် နိုးထလာစေသည်။
“ နတ်ဆိုးမ ”
ရှောင်ယွင် နှလုံးသားက နောက်တဖန် အော်ဟစ်လိုက်လေသည်။ အနောက်ကိုလည်း ဆုတ်လိုက်ပြီ မသိမသာဖြင့် ခေါင်းညိတ်လိုက်သည်။
(( နတ်ဆိုးမဆိုတာ အိပ်နေသော ယောင်္ကျားနှင့် ကာမစပ်ယှက်တတ်သည်ဟု အဆိုရှိသော ဒဏ္ဍာရီလာ နတ်ဆိုးမ succubus ကို ဆိုလိုခြင်းဖြစ်သည် ))
ရှောင်ယွင် ခေါင်းညိတ်လိုက်တာကို ကြည့်ပြီ ဘေးနားက ရပ်နေသော မိန်းကလေးငယ်မှာ
နောက်ထပ် စိတ်လက်ပေါ့ပါးစွာ အသက်ပြင်းချလိုက်သည်။ ထို့နောက် လေးစားစွာ ဦးညတ်လိုက်ပြီ လျင်မြန်စွာ ထွက်သွားလေသည်။
ရှောင်ယွင်၏ သွင်ပြင်ကို ကြည့်ပြီ စိတ်မကျေမနပ် ဖြစ်နေဟန် မရှိတာကို မြင်ရ၍ ရဖေး စိတ်အေးသွားသည်။ ကောင်းကင်၏ တင့်တယ်မှုကို ပေါင်းစပ်ထည့်ထားသလား မှတ်ရသည့် အပြုံးမျိုးကို ရှောင်ယွင်အား ပြုံးပြလိုက်သည်။
သူမ၏ အပြုံးက ရှောင်ယွင်ကို ရင်ထဲမှာ လှိုက်ခနဲ ဖြစ်စေကာ ဗြောင်းဆန်သွားစေသည်။ စွဲမက်ဖွယ် ညှို့ဓာတ်ပိုင်ရှင် မိန်းမလှလေးနှင့် ဆက်ဆံပြောဆိုသည့်အခါမှာ ရှောင်ယွင် လုံးဝ သတိလက်မလွတ်ရဲချေ။ ၀တ်ရုံအောက်မှာ သူ့လက်က ပုံတုံးတုံး အနက်ရောင်လက်စွပ်ကို ပွတ်သပ်လိုက်ပြီ စကားပြောဆိုရမည့်တာဝန်ကို ရွဲ့လော်ဆီကို ကမန်းကတန်း လွှဲပေးလိုက်သည်။
“ လေလံပွဲက ပြီးသွားပြီလား..?”
“ ဟုတ်ကဲ့ ”
ရဖေးက ပြုံးပြီးတော့ ခေါင်းညိတ်လိုက်သည်။ ထို့နောက် သူမလက်ကို လှုပ်လိုက်ရာ အပြာနုရောင် ကျောက်စိမ်းကတ်ပြားလေးတစ်ခုက သူမလက်ပေါ် ရောက်လာသည်။ ထို့နောက် သူမရယ်မောလိုက်ချေကာ..
“ လူကြီးမင်းရဲ့ အခြေခံဆေးပုလင်း ၇ လုံးကို လေလံဆွဲလိုက်တာ စုစုပေါင်း ရွှေဒင်္ဂါး ၂၈၅၀၀၀ ရခဲံတယ်.. အခွန်တွေ နှုတ်ပြီ ကျန်တဲငွေတွေက ကတ်ထဲမှာပါ.. ”
ရှောင်ယွင်က အရှေ့တိုးပြီ ကျောက်စိမ်းကတ်ပြားလေးကို ယူလိုက်သည်။ လက်ပေါ်မှာတင်ကြည့်လိုက်ပြီနောက် ဒီရဖို့က တော်တော်ခက်တာပဲဟု စိတ်ထဲ တွေးလိုက်သည်။ ကျောက်စိမ်းကတ်ပြားလေးကို ညင်သာစွာ ပွတ်သပ်လိုက်ပြီ ခေါင်း တဆတ်ဆတ် ညိတ်လိုက်သည်။
ရှောင်ယွင်၏ ငယ်ရွယ်ပြီ ချောမွတ်သော လက်ဝါးပြင်ကို ကြည့်ုပြီ ရဖေး နောက်တကြိမ် ထူးဆန်းသော ခံစားချက်ကို ပြန်ခံစားလိုက်ရသည်။
“ ငါထင်ထားတာထက် ပိုပြီ ဈေးကောင်းရတာပဲ.. ငါ အရမ်း စိတ်ကျေနပ်တာပဲ.. ”
ရွဲ့လော်စကားက ရဖေးကို တော်တော် ပျော်သွားစေခဲ့သည်။ ထူးဆန်းတဲ့ အတွေးမျိုးကိုလည်း ဆက်မတွေးတော့ဘဲ လွှင့်ပစ်လိုက်သည်။ ဆွဲဆောင်မှုရှိသောမျက်လုံးဖြင့် ငေးကြည့်လိုက်ပြီ သူမ၏ နှုတ်ခမ်းလေးကို စူကာ ရယ်မောလိုက်ကာ
“ နောင်အခါကျရင် ဆေးဝါးတွေ လေလံတင်ချင်ရင်တော့ ပထမတန်းလေလံအိမ်ကို ကြွလာခဲ့ပေးပါရှင်.. ဈေးအသက်သာဆုံးနဲ့ ရောင်းချပေးပါမယ်.. ”
ရှောင်ယွင် ခေါင်းညိတ်လိုက်ပြီ ကျောက်စိမ်းကတ်ပြားကို သိမ်းလိုက်သည်။ ခဏမျှ တုံ့ဆိုင်းနေလိုက်ပြီနောက် ရွဲ့လော်အသံက ထွက်လာပြီ မေးမြန်းလိုက်သည်။
“ မှာထားတဲ့ ဆေးပစ္စည်းတွေ ရှာတွေ့ပြီးလား.. ”
“ ဟုတ်ကဲ့ပါ.. လူကြီးမင်းမှာထားတဲ့ ဆေးပစ္စည်းကို ကျွန်မတို့ လေလံအိမ်ကနေ ပြီးပြည့်စုံအောင် လုပ်ထားပေးပြီးပါပြီ.. ”
ရဖေး လက်ခုပ်တီးလိုက်ရာ ကုနီကိုယ်တိုင် ကျောက်စိမ်းလင်ဗန်းတစ်ခုကို ကိုင်ပြီ အရှေ့တက်လာသည်။ ရှောင်ယွင်ဘေးမှာ ရပ်လိုက်ပြီ ဦးညွတ်လိုက်သည်။ ထို့နောက် ကျောက်စိမ်းလင်ဗန်းကို စားပွဲပေါ်တင်လိုက်ပြီ..
“ ဒါတွေက လူကြီးမင်းမှာလိုက်တဲ့ ဆေးပစ္စည်း အကုန်လုံးပါပဲ.. ”
စားပွဲပေါ်ရှိ ကျောက်စိမ်းလင်ဗန်းပေါ်မှာ ဆေးပင်ဆေးရွက်တွေ အပြည့်ရှိနေတာကို မြင်လိုက်ရတဲ့အခါမှာ ရှောင်ယွင် သူ့မျက်ခုံးက ပင့်တက်သွားပြီ ပျော်ရွှင်သွားလေသည်။ ဒီလေလံအိမ်၏ အစွမ်းအစက မနည်းလှပါလား.. ။တကယ်၍ ဒီ ဆေးပစ္စည်းတွေသာ ကိုယ်တိုင် ရှာရလို့်ရှိရင် အချိန်ရော အားရော အများကြီး ကုန်သွာလိမ့်မည်။ ဒါပေမဲ့ လေလံအိမ်ကတော့ ဒီဆေးပင်တွေကို ရှာဖို့ အချိန်တစ်ရက်ပဲ ယူလိုက်ရသည်။ မြန်မြန်ဆန်ဆန်ရလိမ့်မည်ဟု မမျှော်လင့်ထားမိ၍ ရှောင်ယွင် အတော်လေးကို ပျော်ရွှင်သွားလေသည်။
“ အဟမ်.. အခုလို ဒုက္ခပေးရလို့ တောင်းပန်ပါတယ်.. ”
ဒိုချီစုစည်းဆေးလုံးဖော်စပ်ဖို့အတွက် ပါဝင်ပစ္စည်းအမယ်တွေ စုံစုံလင်လင် ရောက်နေတာကို မြင်ရတော့ ရွဲ့လော်ရဲ့ ပုံမှန်လေသံတောင် အနည်းငယ် ပျော့ပျောင်းသွားသည်။
လေလံအိမ်မှာ လူအများကြီးနှင့် နှစ်ပေါင်းများစွာ အလုပ်လုပ်ခဲ့သည်မို့ ရွဲ့လော်၏ လေသံ နူးညံ့သွားတာကို ရဖေး ကောင်းကောင်း သတိပြုမိလိုက်သည်။ သူမ အရမ်းကို အံ့သြပြီ ကျေနပ်သွားသည်။ အင်း… ဒီလိုလုပ်လိုက်တာ သိပ်မှန်တဲ့ ဆုံးဖြတ်ချက်ပဲ..
“ ဒီအတွက်လည်း သင်တို့ဆီကနေ အမြတ်မယူချင်ပါဘူး.. ဒီ အမယ်ပစ္စည်းတွေအတွက် တန်ဖိုးကို ဒီကတ်ထဲကနေ ပြန်နှုတ်လိုက်ပါ.. ”
ရှောင်ယွင် ကတ်ပြားကို နောက်တကြိမ် ထုတ်ယူတော့မှာကို မြင်လိုက်ရတဲ့အခါမှာ ရဖေးမှာ ချက်ချင်းပဲ ရယ်ပြီပြောလိုက်သည်။
“ လူကြီးမင်း.. ဒီဟာတွေကို ကျွန်မတို့က တိုက်ရိုက်သွားဝယ်လာတာပါ..ဈေးကလည်း အပြင်မှာရောင်းနေတာထက် ပိုပြီ ဈေးပေါပါတယ်.. ပြီတော့ လူကြီးမင်းရဲ့ လေလံပွဲ နှစ်ပွဲကြောင့် ကျွန်မတို့ လေလံအိမ်အတွက် အရမ်းကို နာမည်ကြီးစေပါတယ်..အဲဒါကြောင့် ဒီပစ္စည်းတွေအတွက် ကျွန်မတို့ ဘယ်လိုလုပ်ပြီ ပိုက်ဆံယူရဲရမှာလဲ.. ”
“ ကောင်းပြီးလေ.. မင်းပြောတဲ့အတိုင်းပဲ လုပ်လိုက်ကြတာပေါ့.. တကယ်လို့ နောက်ထပ် ဆေးပင်အမယ်တွေ ငါ ထပ်လိုအပ်လာခဲ့ရင် ငါရဲ့ ဆေးလုံးတွေနဲ့ လဲလှယ်ကြတာပေါ့.. ”
ရွဲ့လော် ခေါင်းညိတ်လိုက်သည်။ အကင်းပါးပြီ ဥာဏ်ကောင်းသောသူမို့ သူမက ကောင်းမွန်သော ဆက်ဆံရေးကို တည်ဆောက်နေလိုကြောင်း သိလိုက်သည်။ သူမနှင့် ထပ်ပြီ မငြင်းဆန်တော့ဘဲ ရှောင်ယွင် ကျောက်စိမ်းလင်ဗန်းပေါ်က ဆေးအမယ်တွေကို သိမ်းလိုက်သည်။
“ ကောင်းပြီ.. ငါ နောက်ထပ် အလုပ်ကိစ္စတစ်ခု လုပ်ဖို့ ရှိသေးတယ်..ဆက်ပြီ မနေတော့ဘူးနော်.. ”
ဆေးအမယ်တွေ အားလုံးသိမ်းလိုက်ပြီသည်နှင့် ရှောင်ယွင် မတ်တပ်ရပ်လိုက်ပြီနောက် လက်နှစ်ဖက်ကို ခါချလိုက်ပြီနောက် အပြင်ဘက်ကို ဦးတည်သွားလိုက်သည်။
“ လူကြီးမင်း..ရဖေး လိုက်ပို့ပါရစေ.. ”
ရဖေးမှာ ကုနီကို မျက်စ ခတ်ပြလိုက်ပြီနောက် သူတို့နှစ်ယောက်က လမ်းပြပေးဖို့ လျှောက်လာခဲ့ကြသည်။
ရှောင်ယွင်မှာ လေလံအိမ်အကြီးအကဲနှစ်ယောက်၏ ယဉ်ကျေးစွာ လမ်းပြမှုအနောက်မှာ လိုက်ပါလာခဲ့သည်။ အခန်းအပြင်ကို ထွက်လာခဲ့တဲ့အချိန်မှာတော့ သူ ခေါင်းကို မော့လိုက်ပြီး ခြေလှမ်းနှေးလိုက်သည်။
အခန်းကနေ အပြင်ရောက်ချင်းမှာပဲ လေလံခန်းမကနေ ထွက်လာသော သုံးယောက်တစ်အုပ်စုအဖွဲ့နှင့် သူတို့ ဆုံမိကြလေသည်။ ထို လူသုံးယောက်ကို ဝေ့ကြည့်လိုက်တဲ့အခါမှာတော့ ရှောင်ယွင် သူ့ဝတ်ရုံကို စိတ်လှုပ်ရှားစွာ ဆုပ်ကိုင်ထားမိသည်။ လူသုံးယောက်ထဲမှာ အလယ်ကလူက သူ့အဖေ ရှောင်ကျန်း ဖြစ်နေတာကို သူတွေ့လိုက်ရ၍ ဖြစ်သည်။
“ ကျေးဇူးပြုပြီ ငါ့ကို မတွေ့မိပါစေနဲ့… ” ရှောင်ယွင် ကျိတ်ပြီ ဆုတောင်းလိုက်သည်။
No comments:
Post a Comment