61 ကောင်းကင်ဘုံသို့ စစ်ပြိုင်ခြင်း
Battle Through The Heavens
by Heavenly Silkworm Potato
_______________________________
Chapter 61 - ရုပ်ဖျက်ခြင်း
မျိုးနွယ်စု သုံးဖွဲ့သည် လေလံခန်းမ၏ ၀င်ပေါက်ကနေ ထွက်ခွာတော့မည့်အချိန်တွင် မျိုးနွယ်ခေါင်ဆောင်တွေအချင်းချင်းတွေဟာ တစ်ယောက်ကို တစ်ယောက် အတုအယောင်အပြုံးများ သာယာဖွယ်မရှိသော ရယ်သံများဖြင့် နှုတ်ဆက်လိုက်ကြသည်။ မမြင်ကွယ်ရာမှာ သူတို့၏ မျက်နှာတွေသည် ရန်လိုခြင်း.. လှောင်ပြောင်ခြင်းတွေက သူတို့မျက်နှာမှာ ဖြစ်ပေါ်နေသည်။
မျိုးနွယ်စုသုံးစုသည် ဟိတ်ဟန်ထုတ်ပြီ ခန်းမကို ကျော်ဖြတ်၍ လမ်းလျှောက်ထွက်လာရာ လမ်းတစ်လျှောက်မှာ ရှိသောလူတွေက အလျင်အမြန်ပဲ ဘေးကို ကပ်လျှောက်လိုက်ကြသည်။ ၀ူတန်မြို့မှာ မျိုးနွယ်စုသုံးစုကို ယှဉ်ပြိုင်နိုင်လောက်တဲ့အထိ စွမ်းအားရှင်ဆိုတာ မရှိပါဘူး။
ထိုအခိုက် အနားမှာရှိနေတဲ့ အော့ပါးဘာကို ရှောင်ကျန်းက စကားလှမ်းပြောလိုက်တဲ့အချိန်မှာ ရုတ်တရက် ရှောင်ကျန်းသည် လမ်းလျှောက်နေတာ တုံ့ခနဲ ဖြစ်သွားပြီ သူ့ခြေလှမ်းက ရပ်တန့်သွားသည်။
ရှောင်ကျန်းရပ်တန့်သွားတာကို ကြည့်ုပြီး အားလုံးက ရှောင်ကျန်းကြည့်ရာဘက်ကို လိုက်ကြည့်လိုက်ကြသည်။ ကြည့်မိလိုက်သည်ခဏမှာ သူတို့ခန္ဓာကိုယ်ဟာ အနည်းငယ် တုန်လှုပ်သွားပြီ ဂျားလီဘီနှင့် အော့ပါးဘာတို့တောင် မျက်နှာအမူအရာ အနည်းငယ် ပြောင်းလဲသွားသည်။
သူတို့ မြင်လိုက်ရသည်က ခန်းမ၏ တခြားသော ၀င်ပေါက်ကနေ လူသုံးယောက်ဟာ ပုံမှန် လမ်းလျှောက်ထွက်လာကြသည်ကိုပင် ဖြစ်သည်။ အရှေ့က ဦးဆောင်လာသောလူမှာ လူတိုင်း မမျှော်လင့်ထားသည့် ပထမတန်းလေလံအိမ်၏ လေလံမှူး ရဖေး ဖြစ်နေသည်။ လေလံအိမ်ကို မကြာခဏရောက်နေတတ်ကြသည့် ဖောက်သည်တွေမို့ ရှောင်ကျန်းနှင့် အားလုံးဟာ ရဖေး၏ အတွင်းစိတ်အမှန်ကို သိထားကြသည်။ ဒီမိန်းမဟာ အမြဲတမ်းပြုံးရွှင်နေသော မျက်နှာထားဖြင့် နေတတ်ပါသော်လည်း အမှန်မှာ သူမဟာ အင်မတန်ကို မာနကြီးသူတစ်ယောက်ပါ။
ဒီမတိုင်ခင်အချိန်မှာလည်း အော့ပါးဘာသည် သူမကို ကျွေးမွေးချင်လို့ ဖိတ်ခေါ်ပါသော်လည်း ယဉ်ကျေးစွာ ငြင်းပယ်ခြင်းကို တစ်ခါတည်း ခံလိုက်ရသည်။ ဒီအဖြစ်အပျက်ကြောင့် သူမဟာ အပြင်မျက်နှာမှာ ချိုသာသလောက် ချဉ်းကပ်ဖို့ မလွယ်မှန်း လူတွေ သဘောပေါက်လိုက်ကြသည်။
ဒါပေမဲ့ ဒီလောက် ဘ၀င်ခေါင်ခိုက်နေသည့် အမျိုးသမီးက ဒီနေ့မှာတော့ လုံးဝကို ပြောင်းပြန်ပဲ.. သူမဟာ ဧည့်သည်ကို ရိုသေလေးစားစွာဖြင့် အရှေ့ကနေ လမ်းပြပေးနေသည်။ ဒီမြင်ကွင်းက ရှောင်ကျန်းနှင့် လူအများကို မှင်တက်သွားစေခဲ့သည်။
သူတို့သုံးယောက်အနက် နောက်ဆုံးလူသည် လေလံအိမ်၏ မှော်ဆေးပညာရှင်ဖြစ်သူ အကြီးအကဲကုနီဖြစ်ပြီ သူဟာ ပြုံးဖြီးနေလျက် ထူးဆန်းစွာ အနက်ရောင်အ၀တ်ကို ခြုံထားသော လူကြီး၏ နားကို ကပ်တိုးပြီ စကားပြောနေသည်။ အပြုံးတွေက သူ့မျက်အနှာအပြည့် ရှိနေပြီ ၀မ်းသာနေကာ အနက်ရောင်လူကြီးကို မျက်နှာချိုသွေးနေသည်ကို သူတို့ မြင်လိုက်ရသည်။
တကယ်၍ ရဖေး၏ ရိုသေလေးစားနေသည့် ပုံစံက ရှောင်ကျန်းတို့ လူစုကို အံ့အားစေခဲ့သည်ဆိုလျှင် ကုနီ၏ ပုံစံက သူတို့ကို ထိတ်လန့်စေပြီ ကြက်သေ သေစေသည်။
ကုနီမှာ ၀ူတန်မြို့၏ အဆင့်မြင့်ဆုံး မှော်ဆေးပညာရှင်ဖြစ်သည့်အားလျော်စွာ မျိုးနွယ်သုံးစု၏ ခေါင်းဆောင် သုံးယောက်သာ သူကို တိုက်ရိုက် တွေ့နိုင်သည်။ တွေ့ဆုံသည့်အခါမှာလည်း လေးစားစွာ ဆက်ဆံရပြီ နည်းနည်းလေးတောင်မှ မထီမဲ့မြင် မပြုရဲကြပါဘူး။
အဆင့်၂ မှော်ဆေးပညာရှင်အနေဖြင့် ကုနီဟာ မှော်ဆေးပညာရှင်ဖြစ်ရတာကို အရမ်းကို ဂုဏ်ယူနေသူတစ်ယောက်ပါ။ စကားပြောဆိုသည့်နေရာမှာလည်း ဂရုမစိုက်ဟန်ဖြင့် ပြောဆိုတတ်ပြီ တစ်ခြားသူတွေကို သူ့အပေါ် ရိုသေလေးစားအောင်လည်း လုပ်တတ်သည်။
ဒါပေမဲ့ ဒီလိုအကျင့်ရှိသည့် လူမျိုးက ယခုအခါမှာတော့ လုံးဝကို ရိုသေလေးစားဟန်ပြနေပြီ သူ့၏ ဖြစ်ပေါ်နေသာ အပျော်မျက်နှာကိုပင် လုံးဝ ဖုံးကွယ်ထားနိုင်စွမ်း မရှိတော့ချေ။
( ဒီ.. ဒီလူကြီး.. ကျေးဇူးအတင်ခံရဖို့ ကြံစည်နေတာပဲ.. ဟိုလူကြီးကရော ဘယ်သူများလဲ.. ??)
ဒီမြင်ကွင်းက သူတို့ကို လုံးဝ အံ့သြစေခဲ့သည်။ ထို့နောက် သူတို့ အကြည့်က အလယ်မှာ ရှိနေသည့် အနက်ရောင်ဝတ်ရုံနှင့် လူကြီးဆီကို ရောက်သွားသည်။
ထောင်ထောင်မောင်းမောင်းအရပ်အမြင့်နှင့် လူပုံရိပ်ကို မြင်လိုက်ရတဲ့အခါမှာ ရှောင်ကျန်းခမျာ စိုးရိမ်စွာ တွေးလိုက်မိသည်။
“ ဒီလူကြီးက ဘယ်သူများလဲ.. ပထမတန်းလေလံအိမ်ရဲ့ အရေးကြီးပုဂ္ဂိုလ်တွေတောင်မှ အလေးပေးဆက်ဆံနေရတယ်.. ဒီလိုအဆင့်မြင့်တဲ့ လူတစ်ယောက်က ၀ူတန်မြို့ကို ဘာလာလုပ်တာလဲ.. ”
ရှောင်ကျန်းသည် ခြောက်သွေ့နေသော သူ့နှုတ်ခမ်ကို လျှာဖြင့် သပ်လိုက်ပြီနောက် ဘက်ညာ ဘေးနှစ်ဖက်ကိုလည်း ကြည့်လိုက်ရာ သူ့လိုပင် ဂျားလီဘီနှင့် အော့ပါးဘာလည်း သူ့လိုပင် သိချင်စိတ်ပြင်းပြနေပြီတော့ အံ့သြနေတာကို တွေ့လိုက်သည်။
ထို့နောက် ရှောင်ကျန်းသည် လှမ်းလာနေသော လူသုံးယောက်ကို မျှော်လင့်ချက်ဖြင့် မော့ကြည့်လိုက်ပြီနောက် အရှေ့ကို နှစ်လှမ်း လှမ်းလိုက်ပြီ ပြုံးရွှင်စွာဖြင့်
“ မိန်းကလေးရဖေး.. အကြီးအကဲကုနီ.. ဟားဟား.. ခင်ဗျားတို့နှစ်ယောက်ကို အတူတူတွေ့ရဖို့ဆိုတာ ကြုံဖို့ မလွယ်ဘူးနော်..”
“ ဟားဟား.. ကျွန်တော်တို့က ဧည့်သည်ကို လိုက်ပို့တာပါ.. ဒါလေးပါပဲ.. ”
မိန်းကလေး ရဖေးက အသာအယာ ရယ်မောပြီ ပြောလိုက်သည်။
“ အိုး..ဟားဟား..”
ဂျားလီဘီလည်း အနားတိုးလာပြီ ရယ်မောလေသည်။ ထို့နောက် ရဖေးကို ကြည့်နေရာကနေ အနက်ရောင်အ၀တ်ရုံနဲ့ လူကြီး ကိုကြည့်လိုက်ပြီ အရောတ၀င်ဖြင့် မေးလိုက်သည်။
“ ဟားဟား.. ဒီလူကြီးမင်းကိုတော့ မမြင်ဖူးဘူးခင်ဗျ.. ၀ူတန်မြို့ကပဲလား.. ဟဟ..ခင်ဗျားကိုတော့ ကျုပ် မရင်းနှီးသလိုပဲ.. ”
“ အဟမ်း.. ဂျားလီမျိုးနွယ်ခေါင်းဆောင်.. ဒီလူကြီမင်းက ပထမတန်းလေလံအိမ်ရဲ့ အဖိုးတန်ဧည့်သည်ပါ.. .. ”
အကြီးအကဲကုနီသည် မျက်မှောင်ကြုတ်လိုက်ပြီ ဂျားလီဘီကို လက်လွတ်စပယ် မေးခွန်းမမေးဖို့ ချောင်းဟန့်ပြီ သတိပေးလိုက်သည်။
ကုနီ၏ သတိပေးသည့် လေသံကို ကြားလိုက်ရသည့်အခါမှာ ဂျားလီဘီ၏ အမူအရာသည် အနည်းငယ်ပြောင်းလဲသွားပြီ လေသံတိုးတိုးဖြင့် သူ့ကိုယ်သူ ရေရွတ်လိုက်လေသည်။
“ အကြီးအကဲ ကုနီတောင်မှ ဒီလောက် စိုးထိတ်နေတာ... ဒီပုဂ္ဂိုလ်က ဘယ်သူများပါလိမ့် ”
ဂျားလီဘီပင် ရှိုးတိုးရှန့်တန့် ဖြစ်သွားတာကို မြင်သောအခါ ရှောင်ကျန်မှာလည်း သူ ၀င်ပြောမည့်စကားကို ပြန်မျိုချလိ်ုက်သည်။ အကြီးအကဲကုနီ၏ သတိပေးပုံကို ထောက်ရှု့ရသော် အနက်ရောင်ဝတ်စုံနှင့် လူကြီဟာ သူတို့ထက်ပင် အဆင့်မြင့်နေသည်ဆိုတာ သေချာနေပါပြီ။ ထို့ကြောင့် ရှောင်ကျန်းလည်း ဘာမှ ဆက်မပြောတော့ဘဲ အနည်းငယ် ရယ်မောလိုက်ကာ လိမ္မာပါးနပ်စွာ အနောက်ကို ဆုတ်လိုက်သည်။
“ သင်က ရှောင်မျိုးနွယ်က ရှောင်ကျန်းလား..??”
ရှောင်ကျန်း အနောက်ဆုတ်မည်ကို မြင်၍ တ်ိတ်ဆိတ်နေသော အနက်ရောင်ဝတ်ရုံနှင့်လူကြီးက အက်ကွဲသော လေသံဖြင့် ရုတ်တရက်မေးလိုက်သည်။
ထိုလူကြီး၏ မေးမြန်းအသံကို ကြားလိုက်ရသောအခါ ရှောင်ကျန်းမှာ တချက် ကြောင်အသွားသည်။ ခဏတာမျှ တွေဝေသွားပြီ သူ ခေါင်းညိတ်လိုက်သည်။
“ မင်းရဲ့ မျိုးနွယ်ထဲက သခင်လေးတစ်ယောက်ဟာ အခြေခံဆေးလုံးကို သုံးပြီ အဆင့် ၉ ကို ရောက်သွားတယ်လို့ ငါကြားခဲ့တယ်… ဟားဟား.. ဒါဟာ တကယ့်ကို အံ့သြဖို့ကောင်းတာပဲ.. ”
အနက်ရောင်ဝတ်စုံနှင့် လူကြီးက ပုံမှန်လေသံဖြင့် ပြောလိုက်ပြီ ရယ်မောလိုက်လေသည်။
ထိုလူကြီးက ဖော်ရွေစွာ စကားပြောလာ၍ ရှောင်ကျန်းမှာ ၀မ်းမြောက်သွားပြီ ပြုံးရယ်လိုက်ကာ “ ကျွန်တော့်သားက ကံကောင်းတာပါ ”
အနက်ရောင်ဝတ်ရုံနှင့် လူကြီးဟာ သူ့လက်ကို အသာအယာ ယမ်းပြလိုက်ပြီ ပြုံးရင်းပြောလိုက်သည်။
“ကံကောင်းခြင်းဆိုတာ စွမ်းအားရဲ့ တစ်စိတ်တစ်ဒေသပဲ.. တကယ်လို့ အခွင့်အရေးတွေ ရှိလာခဲ့ရင် သူနဲ့ ဆုံတွေ့ချင်သေးတယ်.. အင်း သူက မှော်ဆေးပညာရှင်တစ်ယောက် ဖြစ်ချင်ရင် ဖြစ်လာနိုင်တယ်.. ”
မှင်တက်သွားသော ရှောင်ကျန်းမှာ ထိုလူကြီး ပြောသွားတဲ့ အဓိပ္ပါယ်ကို နားမလည်နိုင် ဖြစ်သွားသည်။
“ ဟုတ်ပါပြီ.. နောင် အနာဂတ်မှာလည်း အခွင့်အလမ်းရခဲ့ရင် ရှောင်ကလန်နှင့် အတူတူ ပူးပေါင်းဆောင်ရွက်ဖို့ လာခဲ့ပါဦးမယ်..”
အနက်ရောင်ဝတ်ရုံနှင့်လူကြီးဟာ ပြုံးလိုက်ပြီနောက် ကုနီနှင့် ရဖေး ကို လှည့်ကြည့်လိုက်ပြီ
“ လိုက်မပို့ပါနဲ့တော့.. ငါ့မှာ လုပ်စရာအချို့ကျန်သေးတယ်.. ကဲ အရင်သွားတော့မယ်.. ”
ပြောပြီတာနဲ့ ချက်ချင်းပဲ သူတို့၏ တုံ့ပြန်မှုကိုပင် မစောင့်တော့ဘဲ ခြေလှမ်း ခပ်ကျဲကျဲဖြင့် လေလံအိမ်အပြင်ဘက်ကို ရှောင်ယွင် ထွက်လာခဲ့တော့သည်။
ရှောင်ကျန်းမှာ အီလည်လည်ဖြင့် ခေါင်းကုတ်လိုက်ပြီ ခေါင်းကို လှည့်လိုက်ရာ ကုနီနှင့် ရဖေး တို့သည် သူ့ကို မနာလိုသော မျက်နှာထားဖြင့် ကြည့်နေသည်ကို တွေ့လိုက်သည်။
“ ရှောင်ခေါင်းဆောင်.. ဒီလူကြီးကို သိလို့လား.. ??”
မိန်းကလေး ရဖေးက မေးမြန်းလိုက်သည်။
“ အင်း.. ဒါ ပထမဆုံးအကြိမ် သူတို့ တွေ့ဖူးတာပဲ..”
ထူးဆန်းသော အမူအရာ ဖြစ်နေသော ကုနီနှင့် ရဖေးကို ရှောင်ကျန်းသည် အတင်းပြုံးလိုက်ပြီ ခေါင်းကို ခါယမ်းပြလိုက်သည်။
“ အင်းး… ရှောင်မိသားစုတော့ ဘုရားမတာပဲ ”
ကုနီမှာ ခေါင်းကို အသာအယာ ယမ်းလိုက်သည်။ အခြေခံဆေးလုံးကို ရတနာတစ်ပါးလို ရင်ခွင်ပိုက်ထားသော ဂျားလီဘီကို တစ်ချက်ကြည့်လိုက်ပြီ ပုံမှန်လေသံဖြင့် ပြောလိုက်သည်။
“ အဲဒီဆေးတွေကို ဖော်စပ်တဲ့သူက သူပဲ..”
မျိုးနွယ်ခေါင်းဆောင်သုံးယောက်၏ မျက်နှာက အကြီးအကျယ် ပြောင်းလဲသွားသည်။
ခဏအကြာမှာ ရှောင်ကျန်း၏ မျက်နှာက ၀င်းပသွားလေသည်။ အနက်ရောင်ဝတ်ရုံနှင့် လူကြီးက မှော်ဆေးပညာရှင်ဖြစ်လိမ့်မည်ဟု သူမထင်ထားမိချေ။ စောစောက ဖြစ်ပျက်သွားသော ကုနီ၏ အမူအရာကို ကြည့်ပြီ ထိုလူကြီးမှာ ကုနီထက် ပိုပြီအဆင့်မြင့်နေသည်မှာ သေချာလေပြီ။
အဆင့်၂ မှော်ဆေးပညာရှင်တောင်မှ ဒီလောက် သြဇာအာဏာရှိပြီ ခန့်ညားနေတာ.. အဆင့် ၃ .. အဆင့် ၄ မှော်ဆေးပညာရှင်ဆိုရင် ဘယ်လိုများ ဖြစ်နေမလဲ..
ဘုရားမတာပဲ.. သူ့ရဲ့ ကလန်မျိုးအနေနဲ့ ဒီလို အဆင့်မြင့် မှော်ဆေးပညာရှင်နဲ့ တွေ့ဆုံနိုင်ဖို့ဆိုတာ ဘယ်လိုမှ အဆင့်မမှီပါဘူး.
အနက်ရောင်ဝတ်စုံနှင့် လူကြီးက နောင်အခါ သူ့ကလန်ကို လာပြီ အကျိုးတူ ပူးပေါင်းဆောင်ရွက်မည်ဆိုတာကို ပြန်တွေးမိတဲ့အခါ ရှောင်ကျန်း မျက်လုံးများက ပြူးကျယ်သွားကာ သတိလက်လွတ် အသံထွက် ရေရွတ်လိုက်မိသည်။
“ ငါတို့ တော့ ကံကောင်းပြီဟ..”
ဘေးဘက်မှာ ရှိနေတဲ့ ဂျားလီဘီနှင့် အော့ပါးဘာ မှာ အံ့သြနေတဲ့ အရိပ်အယောင် ပျောက်ကွယ်သွားပြီ အဲ့ဒီအစား သူတို့ မျက်လုံးတွေက မနာလိုခြင်းကြောင့် ယုန်မျက်လုံးကဲ့သို့ နီမြန်းသွားလေသည်။
………
No comments:
Post a Comment