38 ကောင်းကင်ဘုံသို့ စစ်ပြိုင်ခြင်း
Battle Through The Heavens
by Heavenly Silkworm Potato
——————————————
Chapter 38. ဒီိကောင်လေးက သာမန်တော့မဟုတ်ဘူး
ရှောင်ယွင်စကားက ရှောင်ယုအရှိုက်ကို တည့်တည့်ထိုး
လိုက်သလိုဖြစ်သွားခဲ့သည်။ သူမ အံကို ကြိတ်လိုက်ပြီး
လက်တစ်ဖက်က ခါးမှာ ရှိတဲ့ ဓားဆီကို ရောက်သွားသည်။
ရှောင်ယွင် တချက်လှောင်ရယ်လိုက်ပြီး သစ်ပင်ကို မှီလိုက်
ပြီတော့ ပျင်းရိစွာဖြင့်
" တိုက်ခိုက်ချင်လို့လား.. "
" အဲ့ဒီတော့ ဘာဖြစ်ချင်လဲ.. "
ရှောင်ယု ဓားကို တင်းတင်းဆုပ်ကိုင်ထားပြီ ဓားအိမ်ကနေ
ဆွဲမထုတ်မိဖို့ စိတ်ဆန္ဒကို အတင်းထိန်းထားရသည်။
သူမ တစ်ချက်လှောင်ရယ်ချလိုက်ပြီ
" မင်းရဲ့အရည်အချင်း ပြန်ရလာတော့ရော ဘာအရေးလဲ...
ပြီးခဲ့တဲ့ သုံးနှစ်တုန်းက ငါ ရှောင်ယု မင်းကို ဖနောင့်နဲ့
တင်ပါး တစ်သားတည်း ထွက်ပြေးရလောက်အောင် လုပ်
ခဲ့ဖူးတယ် အခုလည်း မင်းကို လုပ်ပေးနိုင်တုန်းပဲ... "
ရှောင်ယွင် မျက်ခုံးမြင့်တက်သွားပြီး သူမ၏ ခရမ်းဖျော့ဖျော့
ကျောင်းဝတ်စုံရင်ဘက်အပေါ်က ရွှေကြယ်သုံးလုံးကို လှမ်း
ကြည့်လိုက်သည်။ ကြယ်သုံးလုံးက ရှောင်ယုရဲ့ ခွန်းအား
ကို ဖော်ပြနေသလို Dou Zhe ကြယ်သုံးလုံးအဆင့်ဆိုတာ
ကိုလည်းရည်ညွန်းထားပါသည်။ သူမ ကျောင်းတော်မှာ
အကျိုးမဲ့ မနေခဲ့ဘူးပုံပဲ.. ။
" မင်းရဲ့ ရွံ့စရာကောင်းတဲ့ မျက်လုံးက ဘယ်နေရာကို
ကြည့်နေတာလဲ.. ? "
ရှောင်ယွင် ငေးစိုက်ကြည့်နေတာကို မြင်၍ ရှောင်ယု
မျက်နှာက မည်းမှောင်သထက် မည်းလာသည်။
" နင် အထဲမှာ မဝတ်ထားဘူးမလား ဒါကြောင့် လူတွေ
သတိထားမိတာပေါ့.. "
ရှောင်ယွင် နှာခေါင်း ရှုံ့ခနဲ ပွတ်လိုက်ပြီ ပြောလိုက်၏။
အေးအေးဆေးဆေးပဲ ပြောလိုက်ပေမဲ့ ရှောင်ယုမှာ
ထခုန်မိမတက် ဒေါသထွက်သွားလေ၏။
" ခွေးကောင်.. "
အံသွားကြိတ်လိုက်ပြီး.. ဒေါသကို ဆက်လက်မထိန်းထား
နိုင်တော့၍ ဓားကို ချွမ်းခနဲ ဆွဲထုတ်လိုက်သည်။ ရှောင်
ယွင်ကို ဓားဦးဖြင့် ထိုးချိန်လိုက်ပြီး
" နင့် လျှာကို မဖြတ်ရဲဘူးလို့ထင်နေတာလား.. "
အရှေ့မှာ ရောက်နေတဲ့ ချွန်မြမြ ဓားဖျားကို ကြည့်ပြီး
ရှောင်ယွင် မျက်တောင်ပင် မခတ်ရဲတော့ချေ။
" ဒါဆို ဘာလို့ မဖြတ်သေးတာလဲ.. "
ရှောင်ယွင် ပြန်ပြောလိုက်တဲ့အခိုက်မှာပဲ သူ့ညာလက်က
အနည်းငယ်ဆုပ်ထားပြီ တုန်ခါနေတဲ့ ဝဲကတော့တစ်ခု နှေး
ကွေးစွာ ဖြစ်ပေါ်လာသည်။ သူ့ထံတွင် ရွှင်းအဆင့် ဒိုချီသိုင်း
သုံးသိုင်း ရှိနေ၍ Dou Zhe ကြယ်သုံးလုံးအဆင့်ရှိသူကို
ရင်ဆိုင်တိုက်ခိုက်ဖို့ မကြောက်ရွံချေ။
ပေါက်ကွဲလုနီးနီး ဖြစ်နေကြသော နှစ်ယောက်သားကို
ကြည့်ပြီ ရှင်းအာ စိတ်ပျက်စွာ ခေါင်းယမ်းနေမိတော့သည်။
ထိုအခိုက် အဝေးတစ်နေရာကို လှမ်းမြင်၍ ပြုံးသွားကာ
ရန်စောင်းနေတဲ့ နှစ်ယောက်ကို သတိပေးလိုက်သည်။
" ရှောင်ဦးလေးနဲ့ သူတို့တွေ လာနေကြပြီ "
ရှင်းအာ စကားကို ကြားလိုက်ရသောအခါ ရှောင်ယု မျက်ခုံး
တွန့်သွာပြီး ခေါင်းကို လှည့်ကြည့်လိုက်ရာ ကြောက်မက်
ဖွယ်ကောင်းတဲ့ မျက်နှာထားနှင့် ရှောင်ကျန်း အလော
တကြီး လာနေသည်ကို မြင်လိုက်ရသည်။
" ဟွန့်.. မင်း ကြာကြာ ကံကောင်းမနေနိုင်ပါဘူး.. "
အေးစက်စက် ကြိမ်းမောင်းလိုက်ပြီ ဓားကို ဓားအိမ်ထဲ
ပြန်သွင်းလိုက်သည်။ အနောက်လှည့်ပြီ အရှေ့ကို ခြေလှမ်း
ကျဲကျဲဖြင့် ထွက်သွားမည့်အခိုက်မှာ ရှင်အာကို ခနရပ်ပြီး
စကားပြောလိုက်သည်။
" ညီမလေး ရှင်းအာ... ညီမလေးက အရည်အချင်းရော အလှအပမှာပါ ထိပ်တန်းအဆင့်မှာရှိတယ်... ဒါပေမဲ့
တချို့လူတွေနဲ့ ဝေးဝေးမှာ နေဖို့လိုတယ်.. မဟုတ်ရင်
အကျင့်ဆိုးတွေ ကူးစက်ကုန်လိမ့်မယ်.. အဲ့ဒီအခါမှ
နောင်တရရင် နောက်ကျသွားလိမ့်မယ်.. "
ရှောင်ယုရဲ့ အကြံပေးစကားကြောင့် ရှင်းအာ ပြုံးလိုက်ပြီ
စကားဆိုလိုက်သည်။
" အစ်မ ရှောင်ယုရဲ့ သတိပေးစကားကြောင့် ကျေးဇူတင်ပါ
တယ်.. ဒါပေမဲ့ ရှင်းအာအတွေးမှာတော့ အကိုရှောင်ယွင်က
အကောင်းဆုံးပဲ... "
ရှင်းအာ ပြောလိုက်သော စကားထဲက အဓိပ္ပါယ်ပါတဲ့
စကားလုံးကြောင့် ရှောင်ယု မျက်နှာမှာ အရောင်ပြောင်း
လဲသွားသည်။ ပြုံးလျက်ကြည့်နေသည့် ရှင်းအာကိုလည်း
သေသေချာချာ အကဲခတ်ဆန်းစစ်ကြည့်လိုက်လေသည်။
နောက်ဆုံးတွင်တော့ ရှောင်ယု လေးနက်စွာဖြင့်..
" တချိန်ကျရင် ဒီမျိုးနွယ်ကနေ ထွက်ခွာချိန်တန်ခဲ့ရင်
အပြင်လောကကြီးက ဘယ်လောက်ကျယ်ပြန့်သလဲ
ဆိုတာ သိလာပါလိမ့်မယ်... သူ့ထက် ပိုပြီး အရည်အချင်း
ရှိတဲ့သူတွေ မရေတွက်နိုင်လောက်အောင် ဆုံတွေ့ပါလိမ့်
မယ်... တယောက်ယောက်က ညီမနှလုံးသားကို လှုပ်ခါနိုင်
ခဲ့ရင်.. ပြီးတော့.. "
" အစ်မရှောင်ယု တွေးတာ အရမ်းများနေပြီ.. အဲလိုအဖြစ်
မျိုး ဖြစ်ဖို့ဆိုတာ လုံးဝ မဖြစ်နိုင်ဘူးလို့ ရှင်းအာ ယုံကြည်
တယ်.."
ရှင်းအာရဲ့ နီရဲရဲ နှုတ်ခမ်းလွှာလေးကို စူပုတ်လိုက်ပြီး
ရှောင်ယု စကားကို ကြားဖြတ်ပြောလိုက်သည်။
ရှင်းအာ အပြတ်ဖြတ်ပြောလိုက်ခြင်းကြောင့် ရှောင်ယု
ကသိကအောက် ရှက်တက်တက်ဖြစ်သွားပြီ ရှောင်ယွင်
ကို နောက်ဆုံးအကြိမ် မျက်စောင်းထိုးကြည့်လိုက်ခါ
လှည့်ထွက်သွားသည်။
ရှောင်ယု ဒေါသတကြီး လှည့်ထွက်သွားတာကို မြင်မှပဲ
ရှောင်ယွင် အသက်ကို ပေါ့ပါးစွာ ရှုလိုက်ရသလို အမြင်
ကပ်နေတဲ့မျက်နှာထားကလည်း ပုံမှန်ပြန်ဖြစ်သွားသည်။
အသက်ပြင်းချလိုက်ပြီ " ငါသူ့ကို တကယ်ကြည့်မရဘူး.."
ဒါကို ကြားလိုက်ရတဲ့အချိန်မှာ ရှင်းအာ ရယ်မောလိုက်ပြီး
ပါးစပ်လေးကို လက်ဖြင့် အုပ်ထားရသည်။
" သူက ဘာလို့ အကိုရှောင်ယွင်ကို အမြဲလိုလို အမြင်ကပ်
နေရသလဲဆိုတာကို သိချင်လိုက်တာ.. သူရေချိုးတဲ့နေရာ
ကို မတော်တဆ အမှတ်မထင် ကြုံကြိုက်သွားခဲ့ရင်လည်း
သူ ဒီလို မလုပ်သင့်ပါဘူးနော့..ဟုတ်တယ်မလား.. "
" ငါ ဘယ်လိုလုပ်ပြီး သိပါ့မလဲ.. "
ရှောင်ယွင် သဘောရိုးဖြင့် ပခုံးတွန့်ဖြေလိုက်ပြီး သူ့ဆီကို
လာနေသည့် ရှောင်ကျန်းနှင့် လူသုံးယောက်လောက်ကို
ကြည့်နေလိုက်သည်။
" ယွင်လေး... အဆင်ပြေလား.. ရှောင်ယုကော..?? "
အလျင်အမြန် လမ်းလျှောက်လာပြီ ဘာထိခိုက်ဒဏ်ရာမှ
မရသည့် ရှောင်ယွင်ကို မြင်လိုက်ရ၍ ရှောင်ကျန်း စိတ်
အေးသွားရသည်။
ရှောင်ယွင် ပခုံးတွန့်ပြီး ရယ်ရယ်မောမောဖြင့်
" အဆင်ပြေပါတယ်.. အဲ့ဒီမိန်းမက သွေးနားထင်ရောက်
နေတာပါ... "
" သူ့ကို နည်းနည်းရှောင်နေသင့်တယ်.. ဒီမိန်းခလေးက
စိတ်ဆတ်တယ်... ပြီးတော့ သူက အခု Dou Zhe ကြယ်
သုံးလုံး အဆင့်ရောက်နေပြီ.. သူ့နဲ့ ရန်ဖြစ်မယ်ဆိုရင်လည်း
အဆုံးမှာ သား ရှုံးလိမ့်မယ်.. နောက်တချက်က ရန်ဖြစ်လို့
အပြစ်ပေးရမယ်ဆိုရင်လည်း သူက ပထမအကြီးအကဲရဲ့
မြေးမလေးဆိုတော့ သူ့ကိုအပြစ်ပေးဖို့ကလည်း အခြေ
အနေမကောင်းဘူး.. " ဟု ရှောင်ကျန်း အားကိုးရာမဲ့စွာ
ဖျောင်းဖျလေသည်။
ရှောင်ယွင် နှာခေါင်းကို လက်မနဲ့ ပွတ်လိုက်ပြီ ပြုံးလိုက်
သည်။ ရှောင်ကျန်းကိုလည်း ခေါင်းမညိတ်ပြချေ။
" အော် ဒီမှာ.. ယွင်လေး.. သူကတော့ ပထမတန်းလေလံ
အိမ်က လေလံအခမ်းအနားမှူး မိန်းကလေး ရဖေး တဲ့...
သားအတွက် အခြေခံဆေးလုံးကို သူ့ဆီကနေပဲ လေလံ
ဆွဲခဲ့တာလေ.. "
ရှောင်ကျန်း ဘေးရွှေ့လိုက်ပြီး နောက်ကွယ်မှာ ရှိနေတဲ့
အနီရောင်မိန်းကလေးကို မိတ်ဆက်ပေးလိုက်သည်။
လှပချောမော၍ အပြုအမူတိုင်းမှာ ရင့်ကျက်ခြင်းတွေ ပြည့်
စုံနေတဲ့ မိန်းကလေးကို ကြည့်ပြီ ရှောင်ယွင် ရှက်ကိုးရှက်
ကန်း ပြုံးလိုက်ကာ နှုတ်ဆက်လိုက်သည်။
"အစ်မ ရဖေး.. "
ရှောင်ယွင်ကို ဆွဲဆောင်မှုရှိသောအကြည့်ဖြင့် စေ့စေ့ကြည့်
လိုက်သည်။ ရှောင်ယွင် အခေါ်အဝေါ်ကြောင့် သူမ၏ လှပ
တဲ့ မျက်နှာမှာ အပြုံးများ ထင်ဟပ်သွားပြီ ရှောင်ယွင်ကို
မေးလိုက်သည်။
" သခင်လေးရှောင်ယွင်က တစ်နှစ်တည်းနဲ့ အဆင့်၎ ဆင့်
မြှင့်တက်ခဲ့တယ်လို့ ကြားမိတယ်.. ဟင်ဟင် ဒီသတင်းက
ဝူတန်မြို့မှာ ပြန့်ပြီ နာမည်ကြီးနေမှာပဲ... ဒါနဲ့ အဲဒါက အမှန်
ပဲလားဟင်.. "
ရှောင်ယွင် ခေါင်းစောင်းပြီ ရှိုးတိုး ရှန့်တန့်ဖြင့်
" ဒါတွေက အဖေ ဝယ်ပေးထားတဲ့ အခြေခံဆေးအစွမ်း
တွေကြောင့်ပါ.. " ဟု ဝန်ခံလိုက်သည်။
ရှောင်ယွင် သွယ်ဝိုက်ဝန်ခံလိုက်သလို ကြားရမိတဲ့အခါ
ပင်ကိုက တည်တည်ငြိမ်ငြိမ် ဓာတ်ခံရှိတဲ့တဲ့ ရဖေး
တစ်ယောက် ပင့်သက်ချလိုက်မိတော့သည်။ စပ်စုခြင်း
စိတ်နှင့် စိတ်ဝင်စားခြင်းတို့က သူမမျက်ဝန်းမှာ ဖြတ်ပြေး
သွား၏။ သူမအတွေးထဲမှာတော့
" အဆင့်လေးဆင့်ကို တစ်နှစ်တည်းနဲ့ ရောက်သွားတယ်..
ဒီလိုအမြန်နှုန်း.. ဒါတော်တော်လေးကို ကြောက်ဖို့ကောင်း
တဲ့ အရှိန်နှုန်းမျိုးပဲ... ပြီးတော့ အခြေခံဆေးလုံးဆိုတာကို
ငါ လေ့လာကြည့်ရသလောက်တော့ သူ့ရဲ့ အစွမ်းက
လေ့ကျေင့်ခြင်းအလျင်နှုန်းကို နည်းနည်းလေးပဲ တိုးပေး
နိုင်တာ.. ဒီလို အဆင့် ၄ ဆင့်ကို တိုးပေးတာဆိုတာ
လုံးဝ မဖြစ်နိုင်ဘူး..."
နှစ်ယောက်စလုံးကို မိတ်ဆက်ပေးသွားပြီးပြီမို့ ရှောင်ကျန်း
လည်း ကောင်းကင်ကို မော့ကြည့်လိုက်ပြီး ရှောင်ယွင်ပခုံး
ကို ပုတ်လိုက်ကာ ပြုံးလိုက်သည်။
" ကဲ.. အရွယ်ရောက်ခြင်းအခမ်းအနားက စတော့မယ်...
အဖေ နည်းနည်းပါးပါး ပြင်ဆင်စရာရှိသေးတယ်..
တော်ကြာ ငါ့ကို ငြူစူနေကြမယ်.. "
ရှောင်ယွင် ပြုံးလျက် ခေါင်းညိတ်လိုက်သည်။
ရှောင်ကျန်းအနောက်ကို လိုက်သွားရင်း ရဖေး အနောက်
လှည့်ပြီ ရှောင်ယွင်ကို တချက် ခိုးကြည့်လိုက်သည်။
လေလံအိမ်မှာ နှစ်အတော်ကြာ နေခဲ့သည်မို့ မည်မျှသေး
ငယ်သည့် အရာကိုမဆို သူမ သတိပြုနိုင်ခဲ့သည်။ ကောင်
လေး၏ မျက်လုံးကို ကြည့်ခဲ့အချိန်မှာ သူ့ပုံစံက ရှက်ရွံ့
ဟန်ရှိပေမဲ့ သူ့မျက်ဝန်းနက်နက်မှာတော့ ဘာခံစားချက်
မှ မတွေ့ခဲ့ရပေ။ အလွန်ဝေးကွာတဲ့နေရာက ရေကန်လိုပဲ
တည်ငြိမ်လှသည်။ အရွယ်ငယ်ငယ်နှင့် စိတ်ခံစားချက်ကို
ထိန်းချုပ်နိုင်တယ်ဆိုတာ ဒီကောင်လေးက သာမန်တော့
မဟုတ်ဘူး။ ဒီအတွေးတွေက ရဖေး ခေါင်းထဲမှာ ဖြစ်ပေါ်
နေခြင်းဖြစ်သည်။
............
No comments:
Post a Comment